ქორწილი ის დღეა, რომლისთვისაც ყველა საგანგებოდ ემზადება, განსაკუთრებით ქალბატონები, რომლებიც თითოეულ დეტალს დიდ ყურადღებას უთმობენ. შესაბამისად მნიშვნელოვანია მზადების პროცესი, საქორწილო კაბა, აქსესუარები, გაფორმება… DRESSCODE WEDDING-ი კი ის კომპანიაა, რომელიც უზრუნველყოფს ამ დღის ყველაზე მნიშვნელოვან ნაწილს. ამ და სხვა მნიშვნელოვანი საკითხების შესახებ უფრო ვრცლად და დეტალურად ბრენდის დამფუძნებელი − ხათუნა დოჭვირი გვიამბობს.
რამდენი ხანია რაც DRESSCODE ბაზარზე ოპერირებს?
DRESSCODE 8 წელია, რაც დაარსდა და პირველსავე დღიდან ბაზარზე აქტიურად ოპერირებს. ამ დროის განმავლობაში განვვითარდით და გავიზარდეთ შემოქმედებითად, რისთვისაც დიდი მადლობა მინდა გადავუხადო ჩემს გუნდს. თითოეული მათგანის მაქსიმალური ჩართულობითა და მონდომებით სრულყოფილად, პროფესიულად და სიყვარულით ვაკეთებთ ჩვენს საქმეს.
გვესაუბრეთ თქვენს მომსახურებებზე.
ჩვენი მომსახურების სფეროს ძირითადად საქორწილო მოდელების შექმნა წარმოადგენს. ჩვენთან ინდივიდუალურად, ნებისმიერი სირთულის კაბა იკერება. DRESSCODE-ში მოსულ მომხმარებელს ვეხმარებით მისი საოცნებო კაბის შერჩევაში, ყველა დეტალს განვიხილავთ და ვარგებთ პატარძლებს მისი ხასიათის, ქორწილის ტიპისა და გემოვნების მიხედვით. რა თქმა უნდა, ხარისხი უპირველესია. გვაქვს აგრეთვე სალონის მომსახურება, რომლის ფარგლებში ქვეყნის წამყვანი სტილისტ-ვიზაჟისტები ზრუნავენ პატარძლის გალამაზებაზე. აქვეა ულამაზესი ფოტოსესიის სივრცეც.
გაფორმებას უზრუნველყოფთ?
DRESSCODE WEDDING-ს აქვს საქორწილო ღონისძიებების გაფორმების მომსახურება. მინდა აღვნიშნო, რომ DRESSCODE-ის ნიჭიერი დიზაინერები ულამაზეს გარემოს ქმნიან. საქორწილო ღონისძიების გაფორმება ქორწილის უმნიშვნელოვანესი ნაწილია.
რა სახის სიახლეებს სთავაზობთ ქალბატონებს?
მომხმარებლების დიდი მოთხოვნიდან გამომდინარე DRESSCODE-მა შექმნა გამოსასვლელი კაბების ხაზი (მეჯვარისთვის ან თუნდაც, საბანკეტოდ), ასევე საბავშვო სადღესასწაულო კაბების ხაზი. DRESSCODE მუდმივად ვითარდება, რაც იმას გულისხმობს, რომ ჩვენ ხშირად ვიღებთ მონაწილეობას სხვადასხვა გამოფენაში, ღონისძიებასა თუ პროექტში. წელს მონაწილეობა მივიღეთ თურქეთში, ქალაქ სტამბოლში საქორწილო კაბების გამოფენაზე, რაც ძალიან ნაყოფიერი აღმოჩნდა ჩვენთვის.
ვთანამშრომლობთ ქსოვილების მსხვილ მომწოდებლებთან, სწორედ ამიტომ ჩვენს ყველა მოდელში გამოყენებული ქსოვილი განსხვავებული და ხარისხიანია.
გვესაუბრეთ DRESSCODE-ნიშაზე.
ჩვენი ძირითადი ნიშა ხარისხია, რომელსაც არასოდეს ვღალატობთ.
როგორია ბრენდის სამომავლო გეგმები?
ბოლო პერიოდში საქართველოში უცხოელი პატარძლების რაოდენობა გაიზარდა. მათთან ნაყოფიერი თანამშრომლობის შედეგად მივიღეთ რამდენიმე შემოთავაზება უცხოეთიდან. ჩვენი ბრენდი გასცდება საქართველოს ფარგლებს.
FB: DRESSCODE WEDDING
Insta: dresscode_wedding_official
Tel: +32 2 295 08 00
აღმაშენებლის გამზ. N65
