დედამიწაზე მოვლენილ ყველაზე ხელშესახებ სასწაულს ახალი სიცოცხლის დაბადება განასხეულებს, იქამდე კი ჩვენ ამ ახალი ამბის პროლოგს ვწერთ − ზოგჯერ სახელდახელოდ, ზოგჯერ კი ხანგრძლივად − როცა ოცნება, გახდე მშობელი, უსასრულოდ გრძელდება…
საქართველოში ყოველ მერვე წყვილს აქვს უნაყოფობის პრობლემა. ეს დიაგნოზიდან სასურველ შედეგამდე მოლოდინით, იმედგაცრუებით, ტკივილითა და დარდით გასავლელი გზაა. ამ გზაზე თუ გაგიმართლებს და გულისხმიერ, გამოცდილ მეგზურს აღმოაჩენ, დედის სხეულში ახალი სიცოცხლე აღმოცენდება.
არაერთი ოჯახისთვის ასეთი მეგზური ქართულ-გერმანული რეპროდუქციული ცენტრია − ადგილი, სადაც უშვილო წყვილები იძენენ იმედს, საიმედო მეგობარს და ყველაზე მთავარს − ცხოვრების აზრს, პირმშოს.
„უშვილო წყვილი არ განიცდის ფიზიკურ ტკივილს − მათ სული სტკივათ, და ეს ტკივილი ხშირად უფრო ძნელი ასატანია. ჩვენ ვიცით, როგორ ვუმკურნალოთ ამ ტკივილს და გაჩუქოთ სანატრელი ახალი გულისცემა“, − GGRC-ის ექიმი-რეპროდუქტოლოგი თამარ მაღულარია.
თანამედროვე რეპროდუქციული მედიცინა, ფაქტობრივად, აღარ ტოვებს წარუმატებლობის შესაძლებლობას და ხან სწრაფად, ხან ცოტა მოგვიანებით, მაგრამ შედეგი დგება. ქართულ-გერმანული რეპროდუქციული ცენტრი უშვილო წყვილებს მთავარი ოცნების ახდენაში ეხმარება − ქალისა და მამაკაცის უნაყოფობის დიაგნოსტიკა და მკურნალობა, ინ-ვიტრო განაყოფიერება ცენტრში ძირითადი მიმართულებებია, რომელთაც დროში გამოცდილი, გულისხმიერ მედიკოსთა გუნდი კურირებს.
„GGRC-ის გუნდი მუდმივი განვითარების რეჟიმში გთავაზობთ კავკასიის რეგიონში საუკეთესო „IVF-გამოცდილებას“. ჩვენ უკვე მივაღწიეთ ხარისხის ინდექსის უმაღლეს ნიშნულს − ინ-ვიტრო განაყოფიერების შედეგად მიღებული ორსულობის უმაღლეს შედეგს, და ვაპირებთ არასოდეს დავწიოთ თამასა. თქვენი ნდობა არის ჩვენი მოტივაცია, ვაქციოთ თქვენი ოცნება რეალობად“, − GGRC-ის გენერალური დირექტორი გიორგი არჩვაძე.
GGRC-ის პერსონალი ერთსულოვნად ხელმძღვანელობს პრინციპით, რომ სასურველი შედეგის დადგომისთვის გზების ძიება ყოველთვის წარმატებისკენ მიდის. მათ ყველაზე კარგად ესმით, რომ ამ საკმაოდ რთულ მარშრუტში მოგზაურობისას, ერთმანეთის მხარდამხარ, კოორდინირებული მუშაობა იძლევა სასურველ შედეგს, პაციენტის თანადგომა კი უმთავრესი გზამკვლევია. სწორედ ესაა იმ უპრეცედენტო წამოწყების მიზანიც, რაც მედიცინის მეცნიერებათა დოქტორის, პროფესორის, ემბრიოლოგ ნინო მუსერიძის ფონდის − „შენთვის“ დაარსებას ახლავს. ქართულ-გერმანული რეპროდუქციული ცენტრის (GGRC) კლინიკურმა დირექტორმა საქართველოს დემოგრაფიული პროგრამის მხარდასაჭერად, უშვილო წყვილების დასახმარებლად, მაღალი კორპორაციული პასუხისმგებლობით ფონდი დააფუძნა, რომელიც უშვილო წყვილებს, დამხმარე რეპროდუქციული ტექნოლოგიების გამოყენებით,სამედიცინო სერვისებს უფინანსებს. ქველმოქმედებაში კომპანია „ავერსი ფარმაც“ ჩართულია და ერთობლივი ძალისხმევით, სიკეთის უანგაროდ გაღების მაგალითს გამორჩეულად მნიშვნელოვან დარგში ნერგავენ. ამავდროულად, ცენტრის ორგანიზებით და „ავერსი ფარმას“ მხარდაჭერით, ყოველთვიურად ტარდება რეგიონული, უფასო გასვლითი კონსულტაციები და კვლევები უშვილო წყვილებისთვის; სემინარები, ვორქშოფები და ტრენინგები მედპერსონალისთვის.
„კეთილი იყოს თქვენი მობრძანება სიცოცხლის დასაწყისისთვის მებრძოლთა გუნდში. ჩვენი კარი და გული ღიაა ყველასთვის, ვისაც სჯერა ჩვენი და ოცნების ძალის. GGRC თქვენი ოჯახის ნაწილია. ჩვენ ყველაფერს გავაკეთებთ იმისათვის, რომ ეს ოჯახი გახდეს 1+1=3“, − GGRC-ის კლინიკური დირექტორი, ფონდი „შენთვის“ დამფუძნებელი, პროფესორი ნინო მუსერიძე.
მის: თბილისი, ვ. ბარნოვის 51გ
2 509509; 544448343
FB: ggrcreproduction
www.ivfggrc.com
