„ჰურო“ − ეს არის არქიტექტურული გამოცდილების მიმწოდებელი ბრენდი, რომელსაც დამკვეთთან დიალოგის გამართვითა და გარემოს კონტექსტის გათვალისწინებით, გამოჰყავს ფუნქციით ნაკარნახევი ოპტიმალური არქიტექტურული ფორმა. კომპანია იყენებს თანამედროვე პროგრამებსა და ტექნიკას, ზედმიწევნით იცნობს საჭირო კანონმდებლობას, ხოლო აქ მომუშავე გაწაფული არქიტექტორები ბავშვობიდან ამ პროფესიაზე ოცნებობდნენ. როგორია „ჰუროს“ ქართულ ბაზარზე ოპერირება, რა სახის მომსახურებებს სთავაზობს მომხმარებლებს, როგორია დამკვეთებთან მიდგომა და კონცეფცია? ყოველივე ამის შესახებ OK!-ს, კომპანიის თანადამფუძნებელი და მარკეტინგის დირექტორი, ტატიანა ბაშელეიშვილი უამბობს.
რამდენია ხანია, რაც კომპანია „ჰურო“ ქართულ ბაზარზე გამოჩნდა?
„ჰურო“ მზეს 2021 წლის იანვარში დაენახა პირველად. პირველსავე დღეს ორი ძალიან საინტერესო დამკვეთი გამოგვიჩნდა − ერთი საქართველოდან, მეორე კი ესპანეთიდან. მეგობრებისა და ოჯახის წევრების თავშეყრისთვის აგარაკის დაპროექტება იყო პირველი დავალება ბაზალეთის ტბასთან ახლოს, ხოლო მეორე − შავიზღვისპირეთისთვის შესაფერისი საცხოვრებელი სახლის დაპროექტება. ასეთმა საოცარმა დასაწყისმა კიდევ უფრო მეტად შეგვასხა ფრთები და შთაგვაგონა არქიტექტურული ბრენდის შენების გზაზე თამამად დგომა. ჩვენი არქიტექტორები სტუდენტობის პირველსავე კურსიდან მუშაობდნენ სხვადასხვა პროექტზე და აი, გამოცდილების დაგროვების შემდეგ გადავწყვიტეთ, ერთობლივად შეგვექმნა კომპანია, რომელიც დამკვეთთან ერთად ისაუბრებდა არქიტექტურულ გამოცდილებაზე და არა მხოლოდ კვადრატულ მეტრებზე.
რას სთავაზობთ მომხმარებლებს?
საოცნებო ინდივიდუალური სახლის წარმოდგენისას, მიწის ნაკვეთის მფლობელებმა ხშირად თვითონ არ იციან დაზუსტებით, რა და როგორ უნდათ, რაც ბუნებრივია. ძირითადად, გონებაში აქვთ რაიმე მონახაზი, სილუეტი ან კადრი კინოდან თუ ინტერნეტიდან. ამავდროულად, ერთია, იცოდნენ, როგორი ფასადი და გეგმარება უნდათ და მეორე − რამდენად აღსრულებადია მათი სურვილი მუნიციპალური სამსახურის კანონმდებლობით: რა სახის დოკუმენტაცია არის საჭირო? სად და როგორ უნდა მოხდეს მისი წარდგენა? რაიმე ახალი რეგულაცია ხომ არ არის? − იმდენი შეკითხვა ჩნდება, რომ ეს საოცნებო სახლი თითქოს სულ უფრო მიუწვდომელი ხდება. სწორედ აქ არის საჭირო „ჰურო“− ჩვენ ყველა იმ მომსახურებას ვაერთიანებთ, რომელიც აუცილებელია მიზნის მისაღწევად − იქნება ეს პერსონალური არქიტექტურული კონცეფციის შექმნა, არსებულის განახლება, მიწის ნაკვეთების, არეალის ისტორიულ-არქიტექტურული კვლევა, განაშენიანების რეგულირების (დეტალური) გეგმის მომზადება, ლანდშაფტის დიზაინი, ტოპოგრაფია, კონსტრუქციული პროექტი, შიდა აზომვითი ნახაზები თუ სხვა რამ − ყველაფერს ვაგვარებთ, დამკვეთის ზედმეტი შეწუხების გარეშე. ადამიანებს ვაძლევთ შესაძლებლობას, საკუთარი სურვილები და საჭიროებები ჩვენთან დიალოგის შედეგად აქციონ სიცოცხლისუნარიან პროექტად და ჩვენ ვიყოთ სრული არქიტექტურული გამოცდილების მიმწოდებელი კომპანია.
გვესაუბრეთ კომპანიის კონცეფციასა და მიზანზე.
„ჰუროში“ გვწამს, რომ ფიზიკური კომფორტის ზონის დაპროექტება შესაძლებელია და ამ ზონაში ადამიანი ყველაზე ბედნიერი იქნება. კომფორტის ზონა კი ადამიანმა უნდა დატოვოს მხოლოდ იმისთვის, რომ ისევ დაუბრუნდეს, ძალები აღიდგინოს.
ზოგადად, არქიტექტურას აქვს უდიდესი გავლენა კეთილდღეობაზე, ვინაიდან ყველანი შენობებში ან შენობების გარემოცვაში ვატარებთ დღეღამეს. გვჯერა, რომ სრულყოფილი ცხოვრებისთვის ყოველდღიურობაში უნდა არსებობდეს ფიზიკური ადგილი, რომელსაც ადამიანები გულწრფელი სიამოვნებით დაუბრუნდებიან ხოლმე.
მიდგომა, ტექნიკა და პროგრამები, რომლებსაც იყენებთ…
მიდგომა ასეთი გვაქვს: ფუნქცია კარნახობს ფორმას. „ჰუროში“ დამკვეთთან დიალოგის გამართვითა და გარემოს კონტექსტის გათვალისწინებით, გამოგვყავს ფუნქციით ნაკარნახევი ოპტიმალური არქიტექტურული ფორმა.
ვინაიდან ვიყენებთ თანამედროვე პროგრამებსა და ტექნიკას, ზედმიწევნით ვიცნობთ საჭირო კანონმდებლობას, ხოლო ჩვენი არქიტექტორები ბავშვობიდან ამ პროფესიაზე ოცნებობდნენ.
ეს გახლავთ იმ პროგრამებისა და ტექნიკის მცირე ჩამონათვალი, რომელსაც ვიყენებთ: ArchiCAD, AutoCAD, Adobe Photoshop, 3D Max, Blender, უპილოტო საჰაერო ხომალდი (დრონი), ლაზერული მანძილმზომები და ა.შ.
გუნდი, რომელიც „ჰუროს“ უკან დგას…
„ჰუროს“ გუნდი აერთიანებს არქიტექტორებს, ტოპოგრაფებს, ურბანისტებს, დიზაინერებს, კონსტრუქტორებს. გვყავს მოწვეული ბრენდის სტრატეგები: სალომე დოლიძე, სანდრო ჯავახიშვილი. ასევე, გრაფიკული დიზაინერები: გიორგი ღუდუშაური, ნიკა ხვედელიძე.
ხოლო ჩვენი წამყვანი არქიტექტორი და თანადამფუძნებელი თბილისის ტექნიკური უნივერსიტეტის არქიტექტურის, ურბანისტიკისა და დიზაინის ფაკულტეტის მაგისტრი, ოთო ხელაშვილია.
რა მიგაჩნიათ კომპანიის უპირატესობად?
„ჰუროში“ მომუშავე ადამიანები ვიზიარებთ მკაფიოდ ჩამოყალიბებულ ღირებულებებს:
მნიშვნელოვანი საქმე − ყოველი დაკვეთა განიხილება, როგორც ძალიან მნიშვნელოვანი მდგენელი დამკვეთის ცხოვრების გზაზე;
ინდივიდუალური მიდგომა − თითოეული დაკვეთა არის ინდივიდუალური კონტექსტისა და ისტორიის არქიტექტურული პროექტირება სივრცეში;
გარემოს პატივისცემა − პიროვნული პრეფერენციების გათვალისწინებასთან ერთად, ჩვენი პროექტი ყოველთვის იქნება მორგებული გარემოსა და ეკოსისტემას;
კომპეტენცია − კრეატიულობასთან ერთად, „ჰურო“ ყოველთვის ისწრაფვის არქიტექტურული ცოდნისა და პროფესიონალიზმის უმაღლესი მწვერვალის დასაპყრობად;
კრეატიულობა − წარმოსახვის უნარი, შთაგონება და გამომგონებლობა არის ის, რაც მნიშვნელოვან საქმეზე მუშაობას სასიამოვნოს ხდის.
სამომავლო გეგმები…
ამჟამად მიზანი გვაქვს, რომ ბევრი ფიზიკური კომფორტის ზონა დავაპროექტოთ და ვიყოთ ძალიან ნაფიქრი პროექტების ავტორი არქიტექტურული კომპანია. გვინდა, ხელი შევუწყოთ არქიტექტურის მნიშვნელობის აღქმასა და დადებით გავლენას ცხოვრების ხარისხზე.
ტელეფონის ნომერი: +995 597 77 12 72
მის.: თბილისი,
დავით აღმაშენებლის გამზირის 46
ელ.ფოსტა: [email protected]
Facebook: HURO • ჰურო
