OK! Techno Book-ი გიამბობთ სმარტფონების ისტორიაზე, განვითარების გზაზე, გამოწვევებზე და პროგნოზებზე. არავისთვის არაა უცხო, რომ სმარტფონები თითოეული ჩვენგანის ყოველდღიურობის განუყოფელი ნაწილია, მაგრამ რა თქმა უნდა, გვახსოვს დრო, როდესაც ჯერ ანტენიანი, შემდეგ კი ათასნაირი ფორმის მქონე მობილური ტელეფონების მომხმარებლები ვიყავით.
რას ნიშნავს სმარტფონი? როდის და რა ფუნქციების დამსახურებით ეწოდა მობილურ ტელეფონს სმარტფონი?
სმარტფონების დაბადება 2000-იან წლებს უკავშირდება. სწორედ იმ დეკადის საინტერესო ტელეფონები იყო და ყველას ძალიან გვინდოდა გვქონოდა: Samsung BlackJack II, BlackBerry Bold, Apple Iphone 3G, Motorola RAZR v3, T MOBILE SIDEKICK.
ასევე შეგვიძლია გავიხსენოთ ყველაზე უცნაური ფორმის მოდელები, რომელიც დღემდე არ ვიცით, რატომ შეიქმნა, მათ შორის: Nokia N-gage, Motorola Aura R1, Aesir Ae+y, Toshiba G450, LG 1010.
თქვენ რა მიგაჩნიათ ამ სფეროში ყველაზე მნიშვნელოვან დამატებად ან წინგადადგმულ ნაბიჯად? პრინციპულ ინოვაციად, რომელმაც სამუდამოდ შეცვალა სმარტფონების გზა? რა იყო ყველაზე დიდი ნახტომი, რის გამოც ამდენად მნიშვნელოვანი მოთამაშე გაჩნდა სმარტფონის სამყაროში?
დღეს, 21-ე საუკუნეში, 2021 წელს − რას ნიშნავს კარგი სმარტფონი? რომელ აუცილებელ კრიტერიუმებს უნდა აკმაყოფილებდეს ტელეფონი საიმისოდ, რომ იყოს კარგი სმარტფონი? რასაკვირველია: გამძლეობა/წარმადობა, ბატარეა; ეკრანი; კამერა; პროგრამული უზრუნველყოფა; ჩიპსეტი/ძრავა; ექსკლუზიური Feature-ები.
გარდა იმისა, რომ სმარტფონები ყველას ხელში გვიჭირავს და მოხმარების საგანია, ასევე უნდა ვაღიაროთ, რომ ფლაგმანები და ზოგადად, ტელეფონები პოპკულტურის ნაწილებად იქცა.
ალბათ ბევრს ემახსოვრება მომენტი, როდესაც „მატრიცაში“ ნეოს ურეკავენ და ამ დროს კადრში დასაკეცი „ნოკია“ ჩანს, ან იგივე Nelly და Kelli-ს Dilema-ში, როდესაც კელი უცნაური ფორმის ტელეფონით აგზავნის შეტყობინებას, როგორც უნდა უცნაური იყოს, „ექსელის“ ფაილში წერს წერილს, რის გამოც დღემდე ჰგვრის მაყურებელს ღიმილს.
ძალიან ბევრ საინტერესო, დასამახსოვრებელ და გავლენიან ფლეისმენტებს შევხვედრივართ ფილმებსა და კლიპებში. მაგალითად, ERICSSON ფილმში 007: Tomorrow Never Dies, NOKIA ფილმში Matrix, T-Mobile ფილმში Devild Wear Prada; ელენ დეჯენერესის სელფი „ოსკარის“ ცერემონიიდან, სმარტფონების მიერ ემოჯი-კულტურის დამკვიდრება, სმარტფონების ქეისების კულტურა.
საინტერესოა, მომავალში რას უნდა ველოდოთ… რა შეიძლება აღმოჩნდეს The Next Big Thing? ინოვაცია, პროგრესი, Feature, რომელიც დღეს არ გვაქვს?
