პრიანკა ჩოპრასა და ნიკ ჯონასს პირველი შვილი შეეძინათ. 39 წლის მსახიობმა ინსტაგრამის ოფიციალურ გვერდზე ოფიციალური ინფორმაცია გაავრცელა და აღნიშნა, რომ შვილი მათ სუროგატი დედის საშუალებით შეეძინათ.
“მოხარულები ვართ გაცნობოთ, რომ სუროგატის დედის მეშვეობით შეგვეძინა ბავშვი. ჩვენ პატივისცემით ვითხოვთ კონფიდენციალურობას ამ განსაკუთრებულ დროს, როცა ყურადღებას მხოლოდ საკუთარ ოჯახზე ვამახვილებთ,ყველას დიდ მადლობას გიხდით.”
პრიანკა ჩოპრა და ნიკ ჯონასი ერთმანეთს პირველად 2017 წელს შეხვდნენ, რომანტიკული ურთიერთობა 2018 წელს გაასაჯაროვეს, ხოლო იმავე წელს, მოგვიანებით ინდოეთში იქორწინეს.
წყვილმა აქამდე არაერთხელ აღნიშნა, რომ შვილის ყოლა მათი ოცნება იყო, შესაბამისად ნიკი და პრიანკა ამჯერად სრულიად ოჯახზე არიან კონცენტრირებული.
