სარემონტო კომპანია „რეკრე“ მომხმარებელს სთავაზობს ერთ სივრცეში გაერთიანებულ არაერთ მომსახურებას. მის მთავარ მიზანს გრძელვადიან პერსპექტივაზე გათვლილი საქმიანობა წარმოადგენს. ამდენად, იგი ცდილობს დამკვეთს შესთავაზოს მასზე მორგებული სანდო მომსახურება. კომპანიის მენეჯერი იღებს პასუხისმგებლობას ნებისმიერ დაკვეთაზე და ამავე დროს, სრულად ჩართულია სარემონტო სამუშაოების შესრულების პროცესის გაკონტროლებაში. დეტალური ინფორმაციისთვის OK! გაესაუბრა „რეკრეს“ დამფუძნებელ იოსებ გრიგალაშვილს.
გვიამბეთ „რეკრეს“ შექმნის შესახებ.
კომპანია შეიქმნა 2020 წლის მიწურულს. გუნდი დაკომპლექტდა პროფესიონალი კადრებით, რომელთაც აქვთ ევროპაში მუშაობის მრავალწლიანი გამოცდილება და კრეატიული ხედვა. ჩვენი კომპანიის სახელი ითარგმნება, როგორც ინოვაცია სარემონტო სფეროში (Renovation Creativity). ამდენად, მომხმარებელს ვთავაზობთ სიახლეს იმ კუთხით, რომ ერთ სივრცეში იქნება გაერთიანებული დიზაინი, პროექტირება, რემონტი და ავეჯი.
მთავარი ნიშა, რომელიც თქვენს კომპანიას გამოარჩევს…
ჩვენთან მოსულ მომხმარებელს არ უწევს სხვაგან დამატებითი რესურსის მოძიება, რადგან მას ვთავაზობთ თავისსავე საჭიროებებსა და სურვილებზე მორგებულ სრულყოფილ მომსახურებას. აგრეთვე, მინდა აღვნიშნო, რომ დამკვეთს არ ვუქმნით ილუზიას სამუშაოს შესრულების ვადებთან დაკავშირებით. მეტიც − მას წინასწარ ვაფრთხილებთ იმ გონივრულ ვადასთან დაკავშირებით, რომელიც ამა თუ იმ საქმის ბოლომდე მისაყვანად დაგვჭირდება, რადგან ვართ ხარისხზე ორიენტირებული კომპანია. შესაბამისად, ჩვენი მიზანი სწორედ დამკვეთის მოლოდინის გამართლებაა.
გვესაუბრეთ პანდემიის პირობებში მუშაობასთან დაკავშირებით.
ვინაიდან ჩვენი კომპანია პანდემიის პირობებში დაარსდა, დიდი ენერგია, შემართება და ძალა დავახარჯეთ. დღეს კი სხვადასხვა მიმართულებით ვმუშაობთ. ამჟამად – ჩვენს ერთ-ერთ მიმდინარე პროექტს სწორედ OK! Magazine Georgia-ს ახალ ოფისზე მუშაობა წარმოადგენს.
სამომავლო გეგმები…
ჩვენ გვაქვს წვდომა ევროპის წამყვან ქვეყნებთან და ვცდილობთ მაღალ სტანდარტს მორგებული აპარატურით შევასრულოთ მომხმარებლის შეკვეთა ხარისხიანად და რაც მთავარია, გონივრულ ვადაში. აგრეთვე, ჩვენი მიზანია შევიძინოთ და გამოვიყენოთ ის მაღალტექნოლოგიური აპარატურა და სარემონტო საშუალება, რომელსაც ცივილიზებული სამყარო დროდადრო „შემოგვთავაზებს“, მაგალითად: გასალესი, საფითხნი და სამღებრო დანადგარები. მომავალშიც აქტიურად გავაგრძელებთ მომხმარებლის სასიამოვნო სიახლეებით განებივრებას. ენდეთ ჩვენს კრეატიულ ხედვას.
ტექსტი: მარიამ მთივლიშვილი
ფოტო: ალექსეი სეროვი
საკონტაქტო ინფორმაცია:
ტელ: 571 11 71 07
www.recre.ge
Facebook: ReCre • რეკრე − სარემონტო კომპანია
