ხელნაკეთი სამკაულების ქართული ბრენდი DUCHI გამოირჩევა ორიგინალურობით, დახვეწილობითა და ეფექტურობით – ერთხელ ნანახი არასდროს დაგავიწყდებათ. მისი თითოეული ნამუშევარი ნაზი და გამორჩეულია. იგი საუკეთესო საჩუქარი და თქვენი ერთგული პარტნიორია სხვადასხვა ღონისძიებაზე. დეტალური ინფორმაციისთვის OK! გაესაუბრა ბრენდ DUCHI-ს შემქმნელ თეიმურაზ ყანჩაველსა და დიზაინერ ანა შუბითიძეს.
გვიამბეთ DUCHI-ს შექმნის შესახებ.
ერთ მშვენიერ დღეს მომინდა საკუთარი თავისთვის აქსესუარის შექმნა, გამოვაღე კარადის კარი და რაც შემხვდა პირველი, ეს იყო ძველი ტყავის ქამარი, რომლისგანაც გავაკეთე საყურე. მას შემდეგ, რაც ჩემმა მეუღლემ ეს ნახა, დაჟინებით მომიწოდა, რომ გამეკეთებინა პატარა კოლექცია და გაგვეტანა ბაზარზე. ერთობლივი შეთანხმების საფუძველზე გადავწყვიტეთ, ჩვენი ნამუშევრები შეგვეთავაზებინა ქართველი დიზაინერების მაღაზიებისათვის. შევარჩიეთ მაღაზია COMODE, რომლისგანაც მოწონება დავიმსახურეთ და მათთად დავიწყეთ თანამშრომლობა, რისთვისაც დიდ მადლობას ვუხდით. ამის შემდეგ გადავწყვიტეთ, რომ შეგვექმნა ბრენდი სახელწოდებით DUCHI. რაც შეეხება ბრენდის სახელს, DUCHI არის ჩვენი შვილის მოფერებითი სახელი, რომელსაც ქვია დუდუ.
რა სახის პროდუქციას სთავაზობთ მომხმარებელს?
ჩვენი მოდელები არის სინთეზური. შედგება მრავალფეროვანი მასალისაგან. რაც შეეხება მოდელებს, არის ყველასგან განსხვავებული. აღსანიშნავია, რომ ჩვენმა პროდუქციამ მოწონება დაიმსახურა როგორც საქართველოში, ისე მის საზღვრებს გარეთ. შესაბამისად, რეალიზაცია ხდება საქართველოშიც და სხვა ქვეყნებშიც.
რა არის ის მთავარი ნიშა, რაც DUCHI-ს გამოარჩევს?
DUCHI გამოირჩევა განსხვავებულობით, ხარისხით, ორიგინალურობითა და ნატიფი ნამუშევრებით.
სად შეუძლია მომხმარებელს თქვენი პროდუქციის შეძენა?
ჩვენი პროდუქცის შეძენა მომხმარებელს შეუძლია ჩვენს Instagram გვერდზე – Duchi_official
სამომავლო გეგმები.
უახლოეს მომავალში ვგეგმავთ ტიხრულ მინანქართან კომბინირებული მოდელების შექმნას.
ტექსტი: მარიამ მთივლიშვილი
