ჟურნალი OK! წარმოგიდგენთ MBG Rent-ს – ლიდერ კომპანიას სამშენებლო ინვენტარისა და ტექნიკის იჯარის მიმართულებით.
კომპანიის ისტორია 2018 წელს ერთი თანამშრომლითა და მინიმალური აქტივით დაიწყო, რომელიც ამჟამად 100-მდე თანამშრომელს, საქართველოში ერთ-ერთ ყველაზე დიდ სასაწყობე მარაგებსა და 1000-ზე მეტ წარმატებით შესრულებულ პროექტს ითვლის. MBG Rent-ი სამშენებლო ბაზარს სთავაზობს: საყალიბე უსაფრთხოების სისტემების და წვრილი ტექნიკის იჯარას, ალმასური ჭრის და ბეტონის გადატუმბვის მომსახურებას.
MBG Rent-ის გუნდსა და გაწეულ მომსახურებას ბაზარზე მრავალი ნიშა გამოარჩევს – მათ შორისაა მსოფლიო ბაზარზე არსებული სიახლეების სწრაფი ათვისება, ლოკალური ბაზრის მოთხოვნებზე მყისიერი რეაგირება და ხარისხიანი მომსახურება. სწორედ ამიტომ MBG Rent-ის გამოცდილებასა და ცოდნას ბაზარზე იცნობენ და ენდობიან მომხმარებლები. დღეს გაგაცნობთ გუნდს, რომელიც MBG Rent-ს ქმნის.
მინდია მაზმიშვილი, გაყიდვების დეპარტამენტის ხელმძღვანელი: ჩვენი კომპანია შექმნის დღიდან ჯანსაღ, მეგობრულ და ნდობით სავსე ურთიერთობებზე დგას. გაყიდვების გუნდის მუშაობაც ამ ღირებულებებს ეფუძნება, თითოეული მენეჯერი მომართულია გაითავისოს ყველა მომხმარებლის მოთხოვნა და პროფესიონალ ინჟინერთან ერთად შესთავაზოს ყველაზე ოპტიმალური გადაწყვეტა. ამით მომხმარებელი ზოგავს დროს, ფინანსებს და ძალისხმევას. კარგად დაგეგმილი სამუშაო მომხმარებელს მაქსიმალურად ოპტიმალურ შედეგს აძლევს, რაც ჩვენი სანდოობის ხარისხის მნიშვნელოვნად ზრდას განაპირობებს.
ზურა ნადარეიშვილი, რეგიონული მენეჯერი: ჩვენი ამოცანაა ქვეყნის ნებისმიერ წერტილში შევძლოთ მომსახურების გაწევა, სწორედ ამიტომ საქართველოს ორ ყველაზე აქტიურ სამშენებლო ზონაში, თბილისსა და ბათუმში შევქმენით დიდი სასაწყობე მარაგები. გამართული ავტოპარკისა და საიმედო პარტნიორების დახმარებით შეგვიძლია შეუფერხებლად მოვამარაგოთ მომხმარებელი მთელი საქართველოს მასშტაბით. ბათუმის ფილიალი უკვე 3 წელია აქტიურად უწევს მომსახურებას არა მარტო ბათუმს, არამედ სრულიად დასავლეთ საქართველოს.
დათო შიხაშვილი, ტექნიკისა და მომსახურების დეპარტამენტის ხელმძღვანელი: სამშენებლო სფეროში გამოჩენის პირველივე დღიდან MBG Rent-ი ბაზარზე არსებულ გამოწვევებს აქტიურად პასუხობს.
ჩვენ მომხმარებელს ერთ სივრცეში ვთავაზობთ როგორც ტექნიკის იჯარას, ისე ალმასური ჭრისა თუ ბეტონის გადატუმბვის მომსახურებას.
მომსახურების ნაწილში, ხარისხისა და დროის ოპტიმიზაციის თვალსაზრისით, გადამწყვეტ როლს ასრულებს ადამიანური რესურსი და მათი პროფესიონალიზმი. შრომითი რესურსისა და ტექნიკის სიმრავლე პარალელურად რამდენიმე ობიექტის მომსახურების შესაძლებლობას გვაძლევს.
სამშენებლო პროცესში არსებული რისკებიდან გამომდინარე, მნიშვნელოვანია პერსონალის უსაფრთხოება, ჩვენი ტექნიკა-დანადგარები, მისი მახასიათებლებიდან გამომდინარე ამ უსაფრთხოების გარანტია.
მნიშვნელოვანია, რომ MBG Rent-ი ორიენტირებულია სიახლეების სწრაფად და ეფექტურად დანერგვაზე, კადრების კვალიფიკაციის ამაღლებასა და კარიერულ განვითარებაზე.
ქეთი აკობია, მთავარი ბუღალტერი: სიამაყით შემიძლია ვთქვა, რომ ვარ იმ ოჯახის წევრი, სადაც თანამშრომლებს პოტენციალის სრულად გამოვლენის შესაძლებლობა ეძლევათ. კომპანიაში სამუშაო გარემო დაფუძნებულია გუნდურობაზე, თანამშრომლობასა და ერთმანეთის მხარდაჭერაზე, რომელიც დიდ როლს თამაშობს „ემბიჯი რენთის“ სამუშაო პროცესსა და მომსახურების ხარისხზე.
„ემბიჯი რენთი“ უკვე წლებია ინარჩუნებს ლიდერ პოზიციას სამშენებლო ინვენტარისა და დანადგარების გაქირავების მომსახურების სფეროში და უწყვეტად ვითარდება. ამ დიდ ოჯახში გატარებული წლები ჩემთვის თვითრეალიზების, პროფესიული უნარების განვითარებისა და გამოწვევების პერიოდია.
ანუკა გაბრიაძე, მარკეტინგისა და პიარის დეპარტამენტის ხელმძღვანელი: სულ რამდენიმე თვეა, რაც MBG Rent-ის მარკეტინგისა და პიარის ახალშექმნილ დეპარტამენტს ვხელმძღვანელობ და გულწრფელი ვიქნები თუ გეტყვით, რომ სამშენებლო სფეროში იჯარის მიმართულებით ლიდერი პოზიციის შენარჩუნება იმ გუნდის დამსახურებაა, რომელიც მიიჩნევს, რომ კომპანიის წარმატება მისი პირადი წარმატებაა და პირიქით.
მოხარული ვარ, რომ დაარსებიდან ექვსი წლის შემდეგ, გვაქვს შესაძლებლობა, ფართო საზოგადოებას ვუამბოთ ერთი ადამიანის მიერ შექმნილი კომპანიის შესახებ, რომელმაც შეძლო უმაღლესი ევროპული სტანდარტების დანერგვა მომსახურების ამ სფეროში.
მოგეხსენებათ, ქართული სამშენებლო სექტორი უდიდესი გამოწვევების წინაშე დგას, რაც თავის თავში მოიცავს სამშენებლო სფეროს განვითარებისთვის აუცილებელი ტექნიკა-დანადგარების, ტექნოლოგიებისა და უახლესი სტანდარტების დანერგვას. თამამად შემიძლია განვაცხადო, რომ მომსახურების ამ სფეროში ლიდერები ვართ და მის განვითარებაში უდიდესი წვლილი მიგვიძღვის.
MBG Rent-მა მაღალი კონკურენციის პირობებში, შიდა კორპორაციული კულტურით, ხარისხისა და დროის ოპტიმიზაციით, სამშენებლო სფეროში დანერგილი ევროპული სტანდარტებით მოიპოვა და ინარჩუნებს მოწინავე პოზიციებს ბაზარზე.
პირადად ჩემთვის MBG Rent-ი არიან ადამიანები, ვისთან ერთადაც შეუძლებელი არაფერია.
ვასკა დვალი, გენერალური დირექტორი: ჩვენი გუნდი ყოველდღიურად მუშაობს იმისთვის, რომ გავითვალისწინოთ სამშენებლო სფეროში არსებული გამოწვევები. სისტემატურად ვაფართოებთ ინვენტარისა და ტექნიკის ასორტიმენტს, სამუშაო არეალსა და სერვისებს.
მაქსიმალურად ვცდილობთ, გავითვალისწინოთ მომხმარებლის საჭიროებები, გაუთვალისწინებელი თუ დაუძლეველი გარემოებები, დავეხმაროთ კლიენტებს არა მხოლოდ ასორტიმენტით, არამედ სასარგებლო რჩევებითა და რეკომენდაციებით, რათა მივიღოთ ოპტიმალური შედეგი. საპასუხოდ კი, მომხმარებლისგან ვიღებთ უამრავ დადებით რეკომენდაციას და პარტნიორულ/მეგობრულ ურთიერთობას, რაც ხანგრძლივი და ნაყოფიერი თანამშრომლობის ფუნდამენტია.
კომპანიის განვითარების ტემპი, დასახული ამოცანების სწრაფი გადაწყვეტა და მომხმარებელთა უკუკავშირი MBG Rent-ის თითოეული თანამშრომლის დამსახურებაა, მოტივირებული, პროფესიონალი და სანდოობაზე ორიენტირებული გუნდი განაპირობებს კომპანიის წარმატებს.
