კანი ერთ-ერთი ყველაზე მგრძნობიარე ორგანოა, რომელიც გარემო ფაქტორებზე მეყსეულად რეაგირებს, სწორედ ამიტომ, ჩვენმა სახის კანმა ადვილად რომ გადაიტანოს შემოდგომის სუსხი, ქარი და მოემზადოს ზამთრისთვის, მას განსაკუთრებული მოვლა სჭირდება. თუ როგორ უნდა მოვუაროთ კანს და რა პროცედურების ჩატარებაა რეკომენდებული ამ სეზონზე, ამის შესახებ „გლობალ ესთეტიქსის“ დამფუძნებელი, ნინო ცანავა და ექიმ-კოსმეტოლოგი, თეა მრევლიშვილი გვესაუბრნენ.
როგორ მოვუაროთ სახის კანს ამ სეზონზე და როგორ მოვამზადოთ ის ზამთრის სეზონისთის?
შემოდგომაზე, ტემპერატურის ცვლილებასთან ერთად, ჩვენი კანი განსაკუთრებულ მოვლას საჭიროებს, რათა თავიდან ავიცილოთ რიგი პრობლემები. გირჩევთ ძალიან კარგად დაიტენიანოთ კანი, რათა სიცივემ არ გამოაშროს. ამასთანავე, მსუბუქი კრემები უნდა ჩავანაცვლოთ მკვებავით და გამოვიყენოთ დამატენიანებელი ნიღბები – სუსხი კანს აქტიურად ართმევს ტენს და აუწყლოებს, რის შედეგადაც კანი გვიუხეშდება და გვიშრება. ამიტომ გირჩევთ კვირაში 2-ჯერ ან 3-ჯერ მაინც გაიკეთოთ ნიღაბი, მეტი ტენიანობისთვის.
ასევე გამოიყენეთ С ვიტამინის შემცველობის კანის მოვლის საშუალებები, იმისთვის, რომ თქვენი კანი მარტივად შეეგუოს ტემპერატურის ცვლილებებს. რა თქმა უნდა, მიუხედავად იმისა, რომ მზე ისე აღარ აცხუნებს, მზისგან დამცავი საცხი Spf თქვენს ყოველდღიურ თავის მოვლის რუტინაში უნდა იყოს.
რომელი პროცედურებია რეკომენდებული შემოდგომის სეზონზე?
ზაფხულის ცხელი დღების შემდეგ, პირველ რიგში, აუცილებელია სახის წმენდის პროცედურა, ხოლო შემდეგ პილინგების, რომელიც დაგვეხმარება მკვდარი უჯრედების მოშორებასა და სახის კანის გაჯანსაღებაში. შემოდგომა იდეალური სეზონია პილინგებისთვის და პაციენტებმა ეს პერიოდი აუცილებლად უნდა გამოიყენონ. რეკომენდებულია ასევე, ინიექციური პროცედურები, როგორიცაა: ბიორეპარაცია, ბიოსტიმულაცია, ბიორევიტალიზაცია.
თეა, აღნიშნული პროცედურებისთვის რომელი ბრენდის პრეპარატებს იყენებთ?
უპირატესობას ვანიჭებ საერთაშორისო ბრენდის DIVES MED-ს. მისი პროდუქციის მრავალფეროვნება, პილინგებისა და ბიორეპარანტების დიდი არჩევანი მაძლევს საშუალებას, ყველა პაციენტს ინდივიდუალურად მივუდგე. მის პორტფოლიოში არის ყველა ის პრეპარატი, რომელიც საჭიროა შემოდგომაზე პაციენტის სახის კანის გაუმჯობესებისთვის. ხოლო ყველა პროცედურის შემდეგ ვურჩევ Dives Medi-ს სახლის მოვლის პროდუქციას, რითაც ხდება კომპლექსური მკურნალობა.
ნინო ცანავა: როგორც თეამ აღნიშნა, Dives Med-ის პორტფოლიო მოიცავს პროდუქციას, რომელიც შეგვიძლია შევურჩიოთ ინდივიდუალურად თითოეულ პაციენტს, მისი სახის კანის ტიპის მდგომარეობისა და ასაკის შესაბამისად.
ბრენდი თითქმის ყველა პროდუქტს აერთიანებს, ეს არის – ფილერები, ბუსტერები, ბიორეპარანტები, მეზოკოქტეილები, ძაფები, პილინგები, საცხები და აპარატურა, რაც აუცილებელია ექიმ-კოსმეტოლოგებისთვის ხარისხიანი და ეფექტური მუშაობისთვის.
მნიშვნელოვანია, რომ DIVES MED-ის ფილერები არ მიგრირებს, გამოირჩევა ელასტიკურობითა და მდგრადობით. ამასთან, პაციენტს შესაძლებლობა აქვს, აირჩიოს ლიდოკაინის შემცველი ფილერი, რომელიც ნაკლებად მტკივნეულია, ხოლო ალერგიული პაციენტებისთვის ხელმისაწვდომია ულიდოკაინო ფილერებიც. რაც შეეხება ბიორეპარანტებს, ისინი საერთოდ არ არის მტკივნეული და მომენტალური ეფექტი აქვს.
სწორედ ამიტომაც ექიმებისთვის ძალიან კომფორტულია ჩვენი ბრენდის პროდუქციით მუშაობა. რაც ყველაზე მთავარია, შედეგი ამართლებს პაციენტების მოლოდინს და ეს კიდევ უფრო ზრდის ჩვენი ბრენდის სანდოობას. ერთი წლის თავზე ჩვენ უკვე მივიღეთ ის შედეგი, რომ პაციენტები ექიმებთან ჩვენი პროდუქცით პროცედურის ჩატარებას ითხოვენ. ევროპული ხარისხი, ISO, CE სერტიფიკატები და შედეგები კი ხაზს უსვამს Dives Med-ის უპირატესობას.
ტექსტი: სოფიო მალანია
ფოტო: ალექსეი სეროვი
