#OK! ორიგინალური და განსხვავებული სამოსი ქართულ ბრენდ RATIANI-სგან

სიფერადე, სიკაშკაშე, ორიგინალურობა, დახვეწილობა… სწორედ ამ კომპონენტებს აერთიანებს ქართული ბრენდი RATIANI და საზოგადოებას ხელმისაწვდომ ფასად უმაღლესი ხარისხის სამოსს სთავაზობს. როგორ გაჩნდა დაარსების იდეა და რა კონცეფციით ხელმძღვანელობს RATIANI ბაზარზე? − ყოველივე ამის შესახებ OK!-ის ბრენდის დამფუძნებელი, სოფიო რატიანი უამბობს.

სოფო, რას სთავაზობს RATIANI მომხმარებელს?

მოგესალმებით. უპირველეს ყოვლისა, მინდა, მადლობა გადაგიხადოთ იმისათვის, რომ დაინტერესდით ჩვენი სამკერვალო-ატელიეთი. ჩვენი სამომავლო საქმიანობისთვის ეს ძალიან დიდი სტიმულია.

სამკერვალო-ატელიე RATIANI მდებარეობს თბილისში, დიდ დიღომში, იოანე პეტრიწის ქ. 11/13-ში. დაარსდა 2018 წელს და ჩვენ მიერ წარმოებული სამოსი უკვე 3 წელია, რაც არსებობს ბაზარზე.

მე − სოფიო რატიანი, გახლავართ ატელიეს დამფუძნებელი. აღვნიშნავ, რომ პროფესიით არ ვარ დიზაინერი, თუმცა ბავშვობიდან მიზიდავდა ჩაცმის არაორდინარული და ექსტრავაგანტული სტილი. გონებაში ხშირად წარმოვიდგენდი, როგორ ვქმნიდი ორიგინალურ და განსხვავებულ სამოსს საკუთარ ატელიეში. ეს ოცნება კი დაუღალავი შრომის შედეგად ავიხდინე ჩემს პროფესიონალ გუნდთან ერთად.

გუნდი დაკომპლექტებულია პროფესიონალი დიზაინერებითა და გამოცდილი მკერავებით. კერძოდ, ატელიეში მუშაობს: 30-წლიანი სტაჟის მქონე მკერავი ფიქრია შამათავა; სამხატვრო აკადემიის კურსდამთავრებული, დამწყები დიზაინერი თათია ქურხაშვილი და სხვადასხვა პროფესიონალი კონსტრუქტორ-დიზაინერები დროებითი კადრის სახით.

ატელიე RATIANI მომხმარებლებს სთავაზობს როგორც სადღესასწაულო, ასევე ყოველდღიურ სამოსს − იქნება ეს ჩვენი დიზაინით შექმნილი, თუ კლიენტისთვის სასურველი უკვე არსებული დიზაინით.

გვესაუბრეთ ბრენდის იდეასა და კონცეფციაზე.

მინდა მოგახსენოთ, რომ ბაზარზე წარმოდგენილი ვართ როგორც ბრენდის, ასევე მრავალმხრივ ფუნქციური ატელიეს სახით. ატელიეს გახსნის იდეა და კონცეფცია კი იყო ის, რომ შეგვექმნა ქართული ნაწარმი… გარემო, სადაც მომხმარებლები შეიმოსებოდნენ მათ გემოვნებაზე მორგებული, საქართველოში დამზადებული სამოსით ხელმისაწვდომ ფასად. ამ ეტაპზე, სამოსის კერვაზე ატელიე მუშაობს მხოლოდ მდედრობითი სქესის ხაზით. თუმცა, სხვა სახის მომსახურების მიღება (აღდგენა/გადაკეთება) შეუძლია ნებისმიერი სქესის წარმომადგენელს.

რომელი სტილის სამოსს სთავაზობს ბრენდი მომხმარებელს?

ატელიე RATIANI-ს სტილი უნივერსალურია. მომხმარებლებს ვთავაზობთ მრავალფეროვან არჩევანს. კერძოდ: ატელიეში შოურუმის სახით წარმოდგენილია ჩვენი დიზაინით შექმნილი ახალი სამოსი; იკერება საქორწილო, სადღესასწაულო, ყოველდღიური და სხვადასხვა ტიპის სამოსი; ასევე, ჩვენს მომხმარებლებს საშუალება აქვთ, ჩვენი გუნდის დახმარებით, მოახდინონ მათთვის სასურველი ძველი ნივთის აღდგენა/გადაკეთება.

ვინ არიან თქვენი მომხმარებლები?

ატელი RATIANI-ს მომსახურება გათვლილია ფართო სეგმენტზე. ქვეყანაში შექმნილი ვითარებიდან გამომდინარე, ნაბიჯ-ნაბიჯ მივყვებით დინებას და ვცდილობთ, ყველანაირი კონტინგენტი დავაკმაყოფილოთ. ჩვენი მომხმარებლები არიან ბავშვები და ზრდასრული ადამიანები მსოფლიოს ნებისმიერი წერტილიდან.

რა მიგაჩნიათ ბრენდის უპირატესობად და რა არის თქვენი ნიშა?

დღესდღეობით, მსოფლიო ბაზარზე ძალიან ბევრი ბრენდი და ატელიე არის წარმოდგენილი. მათ შორის კი დიდი კონკურენციაა. რა არის ჩვენი უპირატესობა და ნიშა? − რაც შეიძლება მეტი სიფერადე, სიკაშკაშე, ორიგინალურობა, დახვეწილობა და ხელმისაწვდომი ფასები. ყოველივე ეს, ჩვენს ატელიეში შექმნილ კოლექციას დასამახსოვრებელს ხდის.

გვესაუბრეთ ხარისხზე.

ხარისხი მართლაც მნიშვნელოვანია. თუმცა, ჩვენი გადმოსახედიდან, ეს ხარისხი ფინანსურად და იდეოლოგიურად უნდა იყოს კომბინირებული და გათვლილი ნებისმიერ სეგმენტზე. ზოგისთვის ხარისხი ძვირფას ქსოვილშია, ზოგისთვის − შესრულებულ სამუშაოსა და მიღებულ შედეგში. ვცდილობთ, ინდივიდუალურად მივუდგეთ ყველა მომხმარებელს და გავითვალისწინოთ თითოეული მათგანის მოთხოვნა და შესაძლებლობები ფინანსური თვალსაზრისით.

სამომავლო გეგმები…

მსოფლიოში შექმნილი ვითარებიდან გამომდინარე, მეტად რთული აღმოჩნდა სამომავლო გეგმების დასახვა. თუმცა, იმედი გვაქვს, უახლოეს პერიოდში შევძლებთ გაფართოებას, ატელიე RATIANI-ის სახელის ფართო არეალზე წარმოჩინებას და მსოფლიო ბაზარზე სახელის დამკვიდრებას.

კრიზისულმა სიტუაციამაც კი გვაჩვენა გამოსავალი – პანდემიის დროს შევქმენით ფერადი, ხელნაკეთი პირბადეები, რამაც ჩვენს მომხმარებლებში დიდი მოწონება დაიმსახურა. შეიძლება ითქვას, რომ ეს ულამაზესი და მხიარული პირბადეები ატელიე RATIANI-ის შემოსავლის წყაროდ და ავგაროზად იქცა. ატელიე RATIANI, უახლოეს პერიოდში, მომხმარებლებს პირდება არაერთ საინტერესო პროექტსა და ულამაზეს კოლექციას.

ჩაიცვი RATIANI… ჩაიცვი ქართული… #ჩაიცვიქართული

FB: Ratiani

Tel: 595 90 12 23

ქ. თბილისი, დიდი დიღომი,