ბავშვის ჯანსაღად კვება სიცოცხლის პირველსავე წუთებიდან უმნიშვნელოვანესი საკითხია. პატარას განვითარება დიდწილად სწორედ ამ ფაქტორზეა დამოკიდებული, ამიტომ მაქსიმალურად უნდა ვეცადოთ, მყარი კვების დაწყებისთანავე ჩვენი ოჯახის პატარა წევრებს რაციონი ვიტამინებით სავსე პროდუქტებით გავუმრავალფეროვნოთ.
სწორედ ამიტომ ჟურნალი OK! გაგაცნობთ პრემიუმკლასის შვეიცარიულ ბრენდ „აგუ ბეიბის“, რომელიც მშობლებს ჯანსაღი საკვების მომზადების პროცესს მაქსიმალურად გაუმარტივებს.
ბრენდის ხედვაა, ინოვაციური ტექნოლოგიების გამოყენებით შექმნას ისეთი პროდუქცია, რომელიც მშობლებს ყოველდღიურ რუტინას შეუმსუბუქებს და პატარებთან თამაშისა და დროის გასატარებლადაც მეტ დროს დაუტოვებს.
შვეიცარიული ხარისხი და უშუალოდ ბავშვსა და მშობელზე მორგებული ინოვაციური პროდუქტები − ეს არის ის, რასაც „აგუ ბეიბი“ გვთავაზობს.
პრემიუმკლასის საბავშვო ბრენდის პროდუქცია კვებისა და ჯანმრთელობის კატეგორიებად იყოფა.
ჯანმრთელობის კატეგორიაში წარმოდგენილია SMART-თერმომეტრები, ინჰალატორები, ასპირატორები, ბავშვის SMART-სასწორი სიმაღლის საზომით.
კვების კატეგორია მოიცავს მულტიფუნქციურ ტექნიკას, რომელიც ბავშვისთვის ჯანსაღი საკვების მომზადების ყველა მნიშვნელოვან ფუნქციას აერთიანებს − ასეთია, მაგალითად, მულტიფუნქციური ელექტროჩაიდანი 6/1-ში ფუნქციით, საკვების მოსამზადებელი მრავალფუნქციური აპარატი 5/1-ში ფუნქციით და საკვების მოსამზადებელი მინიპროცესორი 3/1-ში ფუნქციით.
ყველაზე მნიშვნელოვანი, რაც „აგუ ბეიბის“ კვების კატეგორიის ტექნიკას აქვს საერთო, ეს ორთქლზე ხარშვის ფუნქციაა. ორთქლზე მომზადებული საკვები, მოგეხსენებათ, ყველაზე ჯანსაღია, რადგან ინარჩუნებს ვიტამინებისა და მინერალების 70%-ზე მეტს. „აგუ ბეიბის“ საკვების მოსამზადებელ პროცესორებსა და ჩაიდანში კი ორთქლზე შეიძლება ნებისმიერი პროდუქტი მომზადდეს − იქნება ეს ბოსტნეული თუ საქონლის, ფრინველის ან თევზის ხორცი. ეს საშუალებას გვაძლევს პატარას ყოველდღიურად შევთავაზოთ ჯანსაღი, მრავალფეროვანი და მის გემოვნებაზე მორგებული გემრიელი საკვები.
ზოგადად, ჯანსაღი კვება რომ ნებისმიერი ჩვენგანისთვის სასარგებლოა, ისედაც ნათელია, თუმცა ჩვილობიდანვე სწორი, ჯანსაღი კვებითი უნარების ჩამოყალიბება განსაკუთრებულად მნიშვნელოვანია. „აგუ“ კი ზრუნავს იმაზე, რომ მყარი კვების დაწყებისთანავე ჰქონდეთ მშობლებს შესაძლებლობა, შესთავაზონ პატარას ჯანსაღი საკვები.
ორთქლზე ხარშვის რეჟიმთან ერთად, საკვების მოსამზადებელ პროცესორებს 5/1-ში და მინი, 3/1-ში მოდელებს აქვს ბლენდერი, რომელიც სურვილის შესაბამისად, საშუალებას აძლევს მშობელს მიიღოს ფაფასავით ერთგვაროვანი მასა ან დაჩოპერებული საკვები. გარკვეული ასაკიდან, პატარებმა ღეჭვის უნარები რომ განივითარონ, აუცილებელია არაერთგვაროვანი საკვები შევთავაზოთ. ამის გათვალისწინებით, „აგუ ბეიბის“ საკვების მოსამზადებელი პროცესორები თავისი ფუნქციებით ძალიან კომფორტული გამოსაყენებელია.
კვების კატეგორიის პროდუქტებს, მათ შორის ელექტროჩაიდანსაც, აქვს სტერილიზაციის ფუნქციაც, სადაც მშობელი ბოთლებს, საწოვარებსა და ბავშვის სხვა აქსესუარებს გაასტერილებს. კიდევ ერთი რეჟიმი უკვე მზა საკვების შეთბობის საშუალებასაც გვაძლევს.
რეალურად, „აგუს“ პროდუქციას სამზარეულოში ძალიან ბევრი აქსესუარის ჩანაცვლება შეუძლია. თავად პროდუქტები ძალიან კომპაქტურია და ნებისმიერი ზომის სამზარეულოში მარტივად იპოვის ადგილს.
ალბათ თავადაც დარწმუნდებოდით, რომ თქვენს სამზარეულოს „აგუ ბეიბის“ პროდუქცია აკლია და აუცილებლად უნდა გახდეთ ამ ბრენდის მომხმარებელი. „აგუ ბეიბის“ მთავარი უპირატესობა ხარისხი და უსაფრთხოებაა, რაც ნებისმიერი მშობლისთვის არჩევანისას გადამწყვეტ ფაქტორს წარმოადგენს.
