დროის ცვლილებასთან ერთად, იცვლება ადამიანების დამოკიდებულება ამა თუ იმ საკითხთან მიმართებაში. ის, რაზე ფიქრიც დღეს უმნიშვნელო გვეჩვენება, ხვალ პრიორიტეტული და სასიცოცხლოდ მნიშვნელოვანიც კი შეიძლება გახდეს. ასეთ პრობლემას მიეკუთვნება იმ შენობა-ნაგებობების მომრავლება, რომლებიც ხშირ შემთხვევაში ხე-ტყის გაჩეხის ხარჯზე შენდება. ასევე, არასწორი ურბანული დაგეგმარება და ნაკლები რეკრეაციული ზონის არსებობა. „მწვანეტერა“ − ასე ჰქვია კომპანიას, რომლითაც OK! დაინტერესდა. აღმოჩნდა, რომ დამფუძნებელმა ვაკო მშვილდაძემ ამ პრობლემაზე მხოლოდ ფიქრს, მისი ქმედებით მოგვარება არჩია. შემოიკრიბა გარშემო გამწვანების სფეროში მომუშავე პროფესიონალები და ნაბიჯ-ნაბიჯ დაიწყო ზრუნვა ჯანსაღი გარემოს შესაქმნელად. ვრცლად „მწვანეტერას“ მომსახურებების შესახებ, მასთან ინტერვიუდან შეიტყობთ.
ვაკო, რამ განაპირობა კომპანია „მწვანეტერას“ შექმნის იდეა და რა სახის მომსახურებებს სთავაზობს მომხმარებელს?
21-ე საუკუნის ერთ-ერთი ძირითადი პრობლემა თავისუფალი დროის დეფიციტია, თან თუ მას ერთვის გამონაბოლქვით დაბინძურებული გარემო, შეუძლებელი ხდება ნორმალურად არსებობა. შესაბამისად ნაკლებობა იმ ჰარმონიისა, რომელიც ადამიანის ბუნებაში ყოფნას თან სდევს, უამრავ პრობლემას წარმოშობს − როგორც მენტალურად, ასევე ფიზიკურად.
სწორედ ამიტომ, ვარჩიე იმ საქმისთვის მომეკიდა ხელი, რომელიც საშუალებას მომცემდა წვლილი შემეტანა ადამიანებისთვის ჯანსაღი გარემოს შექმნაში.
„მწვანეტერას“ მომსახურება მოიცავს: ლანდშაფტის დიზაინის დამუშავებას დამკვეთის სურვილის მაქსიმალური გათვალისწინებით; გაზონის დაგებას, ხე-მცენარეების დარგვა-ფორმირება-დამუშავებას; ასევე, სასტუმროებისა და ოფისების შიდა ინტერიერზე ზრუნვას, რაც შესაბამისად შერჩეული მცენარეებით გარემოს გალამაზებასა და გაჯანსაღებაში გამოიხატება.
მთავარი ნიშა, რომელიც სხვა კომპანიებისგან გამოგარჩევთ…
საქმის ერთგულება და პრინციპულობა, ვიყოთ ბოლომდე მაქსიმალისტები. სწორედ ამიტომ, ჩვენ მიერ შესრულებული ნებისმიერი პროექტი, უნებლიეთ ხდება ჩვენივე სავიზიტო ბარათი, რომელსაც მიუხედავად მრავალფეროვნებისა, ერთი ხელწერა აქვს და მას „მწვანეტერას“ ნიშა ეწოდება.
რამდენად დიდი მოთხოვნაა თქვენს მომსახურებაზე საქართველოში?
მოთხოვნა ბოლო პერიოდში კიდევ უფრო გაიზარდა. გვაქვს დაკვეთები როგორც დედაქალაქიდან, ისე აღმოსავლეთ და დასავლეთ საქართველოს თითქმის ყველა დიდი ქალაქიდან. თითოეული პროექტი, იქნება ეს მცირე თუ მასშტაბური, თავისებურად გვზრდის, გვავითარებს და გვძენს დამატებით პროფესიულ უნარებს. ამ ყველაფრის ერთობლიობა გვიჩენს ჯანსაღ ამბიციებსა და მიზნებს, რომლის შესასრულებლად ჩვენი გუნდი ყველაფერს აკეთებს.
დაბოლოს, რატომ „მწვანეტერა“?
მეტი მწვანე სივრცისთვის, ზრუნვისთვის, კომფორტისთვის და რაც მთავარია, ჯანსაღი გარემოსთვის, რომლის არსებობა სასიცოცხლოდ მნიშვნელოვანია ჩვენი მომავლისთვის!
საკონტაქტო ინფორმაცია:
TEL: 577 12 17 19
FB: მწვანეტერა
MAIL: mcvanetera@gmail.com
