სამკაული არის დეტალი, რომელსაც შეუძლია განსაკუთრებული გახადოს თქვენი ჩაცმულობა. ასევე, მისი მეშვეობით შეგიძლიათ თქვენი ხასიათის გამოხატვაც. F E L I N O Milano-ს მრავალფეროვანი და თანამედროვე სამკაულები არა მხოლოდ განსაკუთრებულ დღეებში, არამედ ყოველდღიურადაც შეგიძლიათ ატაროთ. ამ ბრენდის კოლექციებში თქვენთვის სასურველ აქსესუარს აუცილებლად აღმოაჩენთ. უფრო დეტალურად კომპანიის შესახებ F E L I N O Milano-ს კრეატიული დირექტორი − თათა ენუქიძე გვესაუბრა, რომელიც მეუღლესთან, პეტრე პაიჭაძესთან და დასთან, ნუცა ენუქიძესთან ერთად მართავს კომპანიას.
თათა ენუქიძე: „კომპანია „ფელინო მილანო“ არის იტალიური სამკაულების მაღაზიათა ქსელი, რომელიც წარმატებით ოპერირებს საქართველოს ბაზარზე 2019 წლიდან და ამ დროისთვის წარმოდგენილია თბილისში ორ ლოკაციაზე − „თბილისი მოლსა“ და საბურთალოს „სითი მოლში“. სამკაულები იტალიაში მზადდება. გვაქვს VIP-კოლექციები, რომლებიც ექსკლუზიურია და ასევე იტალიური ქარხნული ნაკეთობები, რომლებიც გათვლილია სხვადასხვა სეგმენტის მომხმარებლებისთვის“.
სამკაულის შესახებ…
F E L I N O Milano აერთიანებს ყველა სახის სამკაულს − ნებისმიერი ასაკისა და გემოვნების ქალბატონებისთვის. ბოლო კოლექციაში დაემატა სხეულის აქსესუარებიც (ე.წ. Body chain-ები), რადგან ძალზე აქტუალური და ტრენდულია განსაკუთრებით ამ სეზონზე. მინდა აღვნიშნო, რომ „ფელინოს“ კოლექციები გამოირჩევა მაღალტექნოლოგიური ქარხნული დამუშავებით, კერძოდ სამკაულში გამოყენებული თვლები სხვადასხვა პოპულარული ბრილიანტისებრი, წახნაგური ჭრებითაა შესრულებული, რომელიც დამატებით ეფექტს იძლევა და უნიკალურს ხდის ჩვენს სამკაულს. „ფელინოს“ კოლექციების შერჩევა ევროპული ტრენდების მიხედვით ხდება. მომხმარებლებს ფოტოსესიებისა თუ სხვადასხვა პოსტის მეშვეობით ვთავაზობთ პოპულარულ Look-ებს, რაც დამეთანხმებით, დამატებითი კომფორტია.
როგორია თქვენი მომხმარებელი?
უპირველესად, მინდა აღვნიშნო, რომ თითოეული ჩვენი მომხმარებელი „ფელინოს“ მეგობარი ხდება. მათ აქვთ საშუალება, საკუთარი გემოვნებით შეარჩიონ ორიგინალური სამკაული ჩვენი კოლექციიდან. F E L I N O Milano-ს აქსესუარები ჩვენს მომხმარებელს გამორჩეულს ხდის.
„ფელინოს“ გუნდი…
ჩვენი თანამშრომლები, რომელთაც გავლილი აქვთ არაერთი ტრენინგი და კურსები, არიან გამორჩეულები საკუთარი ცოდნით და მომხმარებელთან განსაკუთრებული მიდგომით. ისინი ცდილობენ, ფილიალებში მოსულმა თითოეულმა ადამიანმა თავი იგრძნოს განსაკუთრებულად. მომხმარებელს ვაცნობთ და ვუხსნით სამკაულის ყველა მახასიათებელს, რაც თავისთავად ძალზე მნიშვნელოვანია. ყოველთვის ვცდილობთ, მათი საჭიროებებისა და სურვილების დაკმაყოფილებას და ვთავაზობთ სხვადასხვა ბენეფიტს, მაგალითად, ფელინოს VIP-ქარდებს, რომლის მეშვეობითაც ნებისმიერ დროს შესაძლებელია განსაკუთრებული შეთავაზებით სარგებლობა. ასევე, აქტიურად ვმართავთ სოციალურ მედიაგვერდებს და ვცდილობთ საინტერესო კონტენტი შევქმნათ.
სამომავლო გეგმები…
ვგეგმავთ რამდენიმე ფილიალის დამატებას. ასევე, შემოგვთავაზეს წარმომადგენლობა უცხოეთში, რაზეც ჩვენს პარტნიორებთან ერთად აქტიურად ვმუშაობთ.
ტექსტი: სოფიო მალანია
ფოტო: ალექსეი სეროვი
