ყოველ სეზონზე მოდის ინდუსტრია სხვადასხვა სტილს, ვარსკვლავები კი ტრენდებს გვთავაზობენ. დღესდღეობით ცნობადი სახეები სოციალური ქსელებით საკუთარ იმიჯსა და სამოსს გვიზიარებენ, იღებენ ფოტოებს, ვიდეოებს და ამით მედიაში ადგილს სამუდამოდ იმკვიდრებენ, თუმცა მოდის სფერო დღეს ისეთი განვითარებული არ იქნებოდა, რომ არა ლეგენდები, რომლებმაც უკვდავი ტრენდები შექმნეს. ქალბატონებმა, რომელსაც OK! წარმოგიდგენთ, არამხოლოდ საკუთარი კარიერით გაითქვეს სახელი, არამედ მოდის ინდუსტრიაზე უდიდესი გავლენა იქონიეს და ყველა დროის ყველაზე გავლენიანი „ფეშენისტები” გახდნენ.
ოდრი ჰეპბერნი
უამრავი ადამიანი ამტკიცებს, რომ შავი ფერის ელეგანტურად აღქმა და სადა, შავი კაბის ტრენდად ჩამოყალიბება სწორედ ოდრის დამსახურებაა.
დაიანა როსი
მიუხედავად იმისა, რომ დაიანამ კარიერის განმავლობაში იმიჯი რამდენჯერმე შეიცვალა, სწორედ მან გააქრო ხაზი სასცენო და ყოველდღიურ სამოსს შორის.
ელიზაბეთ ტეილორი
ელიზაბეთს ბრილიანტების და გლამურული სამკაულების უდიდესი კოლექცია ჰქონდა. სწორედ მანდ დაამკვიდრა ბრჭყვიალა აქსესუარების ყოველდღიურად ხმარების ტრენდი.
გრეის კელი
უამრავი მოდის ექსპერტი მიიჩნევს, რომ კლასიკური და დახვეწილი სტილი სწორედ გრეის კელის შექმნილია. ცნობილმა ბრენდმა Hermes-მა ერთ-ერთ დიზაინის სწორედ გრეისის სახელი, Kelly Bag დაარქვა.
ჟაკლინ კენედი ონასისი
ყოველდღიური, დახვეწილი და ამავდროულად გლამურული იმიჯი. სწორედ ჟაკლინმა შექმნა ის სტილი, რომელსაც წლების განმავლობაში უამრავი ქალბატონი სიამაყით ირგებდა.
კათრინ ჰეპბერნი
კათრინი იყო ქალბატონი, რომელმაც ფენისტური და მასკულინური სტილის შერწყმა მოახერხა და მოდის ინდუსტრიაში უდიდესი გადატრიალება მოახდინა.
ლორენ ბაკალი
ლორენმა სადა, მონოქრომულ სამოსზე უარი თქვა და მოდის სფეროში სამუდამოდ დაამკვიდრა ე.წ. “პრინტიანი” სამოსი.
Madonna
მადონამ “დივას” სტერეოტიპი საბოლოოდ დაამსხვრია, დაამკვიდრა არაჩვეულებრივი, ექსტრავაგანტული სტილი და სამუდამოდ შეცვალა წარმოდგენა სასცენო სამოსზე.
მერილინ მონრო
მერილინმა მოდის ინდუსტრიაში სექსუალურობა შეიტანა. მაღალწელიანი საცურაო კოსტუმები და უკვდავი თეთრი, ფართე კაბა, სწორედ მერილინის მემკვიდრეობაა.
Twiggy
Twiggy პირველი მოდელი იყო, რომელმაც განსხვავებული, ფერადი თვალის ჩრდილები და თვალებზე დახატული წამწამები მოიხდინა. სწორედ მან შექმნა ფერადი და თამამი მაკიაჟის უკვდავი ტრენდი
