ფეხსაცმლის ქართულ ბრენდს, ,, ნინიმოს” OK!-ის მკითხველი კარგად იცნობს. ეს არის მაღალი სოციალური პასუხისმგებლობის მქონე კომპანია, რომელიც მომხმარებლებს მუდმივად სთავაზობს კომფორტულ, დახვეწილ და მოდურ ფეხსაცმელს. გარდა ამისა, მუდმივად ჩართულია საქველმოქმედო აქციებში და არ იყენებს ცხოველის ტყავს, რაც ბრენდის უპირატესობას კიდევ ერთხელ უსვამს ხაზს. OK! Magazine Georgia ბრენდის დამფუძნებელს ნინი მოსულიშვილს გაესაუბრა და იმ სიახლეების შესახებაც შეიტყო, რაც დაგეგმილია უახლოს პერიოდში.
ნინი მოსულიშვილი:
2 წელია შეჩერებულებივით ვართ, ამ პანდემიამ “ნინიმოსთვის” ბევრი რამ შეცვალა, როგორც ცუდი ასევე კარგი კუთხით. გამოღვიძებასავით იყო, მგონი ყველა მივხვდით, რომ ძალიან არასტაბილურ გარემოში გვიწევს ცხოვრება.
როგორც ბევრი ბიზნესისთვის, ჩვენთვისაც განსაკუთრებული ცვლილებების მომტანი იყო ეს პერიოდი, რადგან გადავწყვიტეთ ამერიკაში გადავიტანოთ წარმოების დიდი ნაწილი.
ბევრი რისკების და საინტერესო თავგადასავლების გარეშე, მგონია რომ დიდი მიზნები არ არსებობს! 2 წლიანი შრომის და მომზადების შემდეგ წელს, დავიწყებთ “ნინიმოს” პირველ ამერიკულ წარმოებას.
პანდემიის დროს გვქონდა ძალიან ბევრი, ჭკუის სასწავლებელი გაკვეთილები. პირველ რიგში ეს იყო ჩვენი წარმოების არასტაბილურობა და რესურსის არასწორი შეფასება.
მაგალითად ერთ-ერთი აქციის ფარგლებში, მივიღეთ ძალიან დიდი შეკვეთების რაოდენობა, რასაც ჩვენმა მენეჯმენტმა და სახელოსნომ ვერ გაუძლო. ამან უკმაყოფილო მომხმარებელი მოგვიმრავლა. შეკვეთები ძალიან იგვიანებდა ან საერთოდ ვერ კეთდებოდა სასურველი მოდელი მასალის ამოწურვის გამო. მასალას პანდემიამდე გვაწვდიდნენ ქარხნები ადეკვატურ ვადებში, ხოლო პანდემიის დროს ისინიც, როგორც ყველა და ყველაფერი უმართავები გახდნენ. პარალელურად, საქმეს ისიც ართულებდა, რომ ვცხოვრობდი ამერიკაში და დისტანციურად ვმართავდი კომპანიას.
ამ ეტაპზე “ნინიმო” მუშაობს 50% წარმოების გადმოტანაზე ამერიკაში. მიუხედავად სირთულეებისა ამერიკამ დიდი აღფრთოვანებით მიგვიღო და ვმუშაობთ იმაზე, რომ ძალიან “ქართული” “ნინიმო” ცოტა “გავაამერიკულოთ” და უფრო მეტად აღვაფრთოვანოთ იქაური მომხმარებელი.
აღსანიშნავია, რომ მეწაღეობა საქართველოში ერთ–ერთი ყველაზე ძველი, მაგრამ სამწუხაროდ დაუფასებელი პროფესიაა.
ამერიკა ხომ სულ სხვა მარგალიტია მეწაღეობის თვალსაზრით და სულ სხვა შტრიხებს შეიტანს. ეს კონტრასტი და ეს თავგადასავალი ძალიან საინტერესო ამბების დასაწყისია “ნინიმოსთვის” და ჩვენი ქვეყნისთვის!
ამ ეტაპზე შეკვეთების მიღება თითქმის სრულად გაჩერებული გვაქვს, იმედი გვაქს 2023 წლის გაზაფხულისთვის ჩვენს ერთგულ მომხმარებლებს სრულიად განახლებულ “ნინიმოს” შევთავაზებთ!
