#OK! „მეტრიკას“ მოდების ჩვენება - პირველი ქართული ფეშენ პროექტი მეტასამყაროში

20 ოქტომბერს მეტასამყაროში პირველი ქართული ფეშენ პროექტი “მეტრიკა” გაიმართება. კოლექციებში ასახული იქნება ეროვნული კულტურული კოდი თანამედროვე ინტერპრეტაციით და შეიქმნება სივრცე, სადაც ტრადიციები უერთდება ინოვაციებს.

„მეტრიკას“ მოდების ჩვენება პირველი ქართული ფეშენ პროექტია, რომელიც შეაბიჯებს მეტასამყაროში. ეს იქნება ახალი მწვერვალი, სადაც მოდის ფიზიკური და ციფრული სამყაროები ერთმანეთს ერწყმის.

ღონისძიების საერთაშორისო ცნობადობა და დასწრების მაჩვენებელი ძალიან მაღალია. მასში უკვე რამდენიმე სეზონია მონაწილეობს 85-ზე მეტი ბრენდი 13+ ქვეყნიდან.

ამ წელს, დიზაინერები ცენტრალური და შუა აზიიდან გამოფენენ თავიანთ კოლექციებს ქართველი ტალანტების გვერდით. მათ შორის იქნება უნიკალური ტანსაცმლის ბრენდის წარდგენა თურქმენეთიდან, რაც პირველად მოხდება ამ ღონისძიებაზე.

ყოვლისმომცველობა კვლავაც „მეტრიკას“ მოდების ჩვენების დედაარსად რჩება. იგი ერთნაირად სთავაზობს პლატფორმას მოდის ენთუზიასტებსა და პროფესიონალებს.

ჩვენება გაიმართება 2024 წლის 20 ოქტომბერს,„ოფლაინ“ რეჟიმში, თბილისში, აქსის თაუერსში, სადაც წარმოდგენილი იქნება 35 დიზაინერი 10-ზე მეტი ქვეყნიდან, მათ შორის, საქართველოდან, ცენტრალური და შუა აზიიდან, ევროპიდან, უკრაინიდან და საუდის არაბეთიდან.

განსაკუთრებული აქცენტი გაკეთდება ეროვნული დიზაინერების მხარდაჭერაზე, ვინაიდან სხვადასხვა საერთაშორისო საელჩოების წარმომადგენლები დაესწრებიან ღონისძიებას საკუთარი ქვეყნების დიზაინერთა მხარდასაჭერად. ეს ხაზს უსვამს ღონისძიების მნიშვნელობას, როგორც პლატფორმისა მოდის მეშვეობით დიპლომატიური და კულტურული ურთიერთქმედებისათვის.

მეტასამყაროს გავლენით ჩვენება ხელმისაწვდომი იქნება არამხოლოდ თბილისში, არამედ საერთაშორისო აუდიტორიისთვისაც, რაც ხელს შეუწყობს მდგრადობას და გააფართოებს მოდის სამყაროს თვალსაწიერს.