22 წლის შვედ გარემოსდაცვით აქტივისტს, გრეტა თუნბერგს ვენეციაში შესვლა 48 საათით აეკრძალა. The Telegraph-ის ცნობით, მან Extinction Rebellion – ის 35 აქტივისტთან ერთად ვენეციის მთავარ არხში მწვანე საღებავი ჩაასხა. აქტივისტებმა განმარტეს, რომ წყლის შესაღებად ეკოლოგიურად უსაფრთხო ნივთიერება გამოიყენეს.
ინციდენტი გასულ შაბათ-კვირას, ბრაზილიის ქალაქ ბელემში მიმდინარე გაეროს კლიმატის კონფერენციის დასრულებას დაემთხვა.
წითელ სამოსში გამოწყობილმა ეკო აქტივისტებმა ვენეციის ქუჩებში ფლეშმობი გამართეს და გამოფინეს ბანერი მოწოდებით შეჩერდეს ფლორისა და ფაუნის მასობრივი განადგურება და ატმოსფეროს ან წყლის რესურსების მოწამვლა.ღონისძიებამ რომელმაც როგორც ადგილობრივ მაცხოვრებლებს, ასევე ქალაქის სტუმრებს შორის დაპირისპირება გამოიწვია.
ღონისძიების დასრულების შემდეგ ვენეციის პროკურატურამ არასანქცირებული აქციის გამო საქმე აღძრა.
ვენეტოს რეგიონის გუბერნატორმა ლუკა ზაიამ აქტივისტები მკაცრად გააკრიტიკა და განაცხადა, რომ ასეთი ქმედებები ვენეციისა და მისი ისტორიისადმი უპატივცემულობაა.
„ამ ჟესტს შეიძლება გარემოსთვის უარყოფითი შედეგები მოჰყვეს “, – აღნიშნა მან.
საბოლოოდ, აქციის ყველა მონაწილემ 150 ევროიანი ჯარიმა მიიღო და ორი დღით ქალაქში შესვლა აეკრძალა.
მოძრაობა Extinction Rebellion-ის ინფორმაციით, მსგავსი ღონისძიებები იტალიის 10 ქალაქში ჩატარდა. ეკო აქტივისტებმა მწვანე საღებავი გენუასა და პადუაში შადრევნებში, მდინარე პოში, მდინარე რენოში და მდინარე ტარაში ჩაასხეს.
რა უნდა ვიცოდეთ გაეროს კლიმატის სამიტის შესახებ?
გაეროს კლიმატის ცვლილების 30-ე კონფერენცია (Cop30) 2025 წლის 6-დან 21 ნოემბრამდე ბრაზილიაში, ბელემში გაიმართა. ღონისძიებამ მსოფლიო ლიდერები, მეცნიერები, არასამთავრობო ორგანიზაციების წარმომადგენლები და სამოქალაქო საზოგადოება შეკრიბა. კონფერენციის მთავარი თემა იყო ზომები, რომლებიც შეძლებენ გლობალური დათბობის 1.5°C-მდე შენარჩუნებას.
გავრცელებული ინფორმაციით, გაეროს კლიმატის ცვლილების 30-ე კონფერენციის დელეგატებმა წიაღისეული საწვავის – ნავთობის, ნახშირის და გაზის თანდათანობითი გაუქმების სავალდებულო გეგმაზე შეთანხმებას ვერ მიაღწიეს. ბელემის კონფერენციაში მონაწილე თითქმის 200 ქვეყანა დათანხმდა მხოლოდ ნებაყოფლობით ინიციატივას კლიმატის დაცვის ძალისხმევის დასაჩქარებლად.
@radar.daily.news 🇮🇹 Italy. #Greta #Thunberg has been banned from entering #Venice for two days and fined €150 after she poured green dye into the city’s Grand Canal. Local authorities called it “another act of vandalism” that harms both the city and its lagoon.
