საიუველირო მაღაზია „გოლდ მარკეტი“ 2019 წელს ჯერ ონლაინსივრცეში გამოჩნდა, ხოლო 2024 წლიდან მომხმარებლებს უნიკალური ნაკეთობების შეძენა უკვე „თბილისი ცენტრალის“ ოქროს სივრცეში მდებარე მაღაზიაშიც შეუძლიათ. ნანა ფიფია – მათემატიკოსი დოქტორის ხარისხით, – გახლავთ ადამიანი, რომელმაც სრულიად სხვა სამყაროში გადმოაბიჯა, შექმნა „გოლდ მარკეტი“ და გადაწყვიტა, რომ თავისი ყოველდღიურობა მომხმარებლების ცხოვრების გალამაზებისთვის მიეძღვნა. „გოლდ მარკეტი“ არის სივრცე, სადაც გუნდის თითოეული წევრი ორიენტირებულია იმაზე, რომ მაღაზიაში შესულ ადამიანებს სასიამოვნო და დაუვიწყარი გამოცდილება ჰქონდეთ ოქროს შეძენისას. ქალბატონი ნანა უკვე მეოთხე წელია ზრუნავს მომხმარებლების ბედნიერებაზე მათთვის ხარისხიანი, დახვეწილი და უნიკალური ნაკეთობების შეთავაზებით.
რა იყო Gold Market-ის შექმნის მთავარი ინსპირაცია?
ნანა ფიფია: „გოლდ მარკეტის“ შექმნის მთავარი ინსპირაცია იყო სურვილი, შემექმნა სივრცე, სადაც თითოეულ ადამიანს ექნებოდა შესაძლებლობა, მოეძებნა ის უნიკალური სამკაული, რომელიც მის ემოციებსა და მოგონებებს დაუკავშირდებოდა. მთავარი იდეა გახლდათ კომფორტული და გამჭვირვალე მომსახურების შეთავაზება, მაღალი ხარისხის დიზაინისა და მრავალფეროვანი არჩევანის გათვალისწინებით.
მაღაზიის გახსნის პირველივე დღიდან ჩემი მიზანი იყო არა მხოლოდ ძვირფასი ლითონების გაყიდვა, არამედ უნიკალური ემოციების შექმნა – პირველი ბეჭედი სიყვარულისთვის, საჩუქარი საყვარელი ადამიანისთვის, სამახსოვრო ნივთი ოჯახის წევრისთვის. სწორედ ეს მომენტები გახლდათ ჩემი მთავარი შთაგონების წყარო.
„გოლდ მარკეტის“ იდეა მდგომარეობს იმაში, რომ ოქრო ადამიანებისთვის მხოლოდ ძვირადღირებული ლითონი არ არის, ის გვევლინება სიყვარულის, ერთგულებისა და ცხოვრებაში მნიშვნელოვანი მომენტების ამსახველ სიმბოლოდ.
რას სთავაზობთ საზოგადოებას?
მომხმარებლებს ვთავაზობთ იტალიური ოქროს ქარხნულ ნაკეთობებს: „ლორეტა ორო“, „ფრანკო ფონტანა“, „გრაციელა“, „კარტიე“ და ა.შ. ჩვენი ყველა პროდუქცია არის დახვეწილი და გამორჩეული.
როგორ იცვლება მომხმარებლის გემოვნება წლების განმავლობაში?
თანამედროვე და ტრენდული ნაკეთობები ყოველთვის მოთხოვნადია მომხმარებლებს შორის. ასეთი პროდუქციის შეთვაზებით მომხმარებლების ნდობა მოვიპოვეთ.
დღეს საუველირო ინდუსტრიაში რა ტენდენციებია აქტუალური?
დღესდღეობით დიდი პოპულარობით სარგებლობს „ლორეტა ოროსა“ და „ფრანკო ფონტანას“ ტრენდული ნაკეთობები. აქტუალობას არ კარგავს ნიშნობის ერთთვლიანი ბეჭდები. ასევე მოთხოვნადია ბრილიანტის სამაჯურები და ნიშნობისთვის განკუთვნილი ე.წ. სამეულები.
რა არის თქვენი მთავარი მისია საიუველირო ბიზნესში?
ჩემი მთავარი მისიაა, რომ „გოლდ მარკეტი“ ადამიანებისთვის იყოს არა მხოლოდ ოქროს მაღაზია, არამედ სიმბოლო ნდობისა და ელეგანტურობისა, ადგილი, სადაც ძვირფასი ლითონი ნამდვილ ისტორიად იქცევა. ჩვენ ვქმნით გამოცდილებას, რომელშიც გამორჩეული დიზაინი, უმაღლესი ხარისხი და მომხმარებელზე ორიენტირებული სერვისი ერთიანდება.
ჩვენი გუნდის მთავარი მიზანია, რომ „გოლდ მარკეტი“ გახდეს პირველი არჩევანი ადამიანებისთვის, ვინც ოქროს შეძენას გადაწყვეტენ. სწორედ ამისთვის მუდმივად იმაზე ვართ ორიენტირებული, რომ ოქროს შეძენის პროცესი ჩვენი მომხმარებლისთვის გამორჩეული, სასიამოვნო და დაუვიწყარი იყოს.
ტექსტი: ნუცა აგულაშვილი
