OK! ქართულ ბრენდს Fiore di Tako–ს გაგაცნობთ, რომელიც საზოგადოებას ულამაზესი სამკაულების მრავალფეროვან არჩევანს სთავაზობს. როდის დაარსდა, როგორია მისი მუშაობის კონცეფცია და სამომავლო გეგმები, რა გზა გაიარა დღევანდელ დღემდე და სხვა საინტერესო თემების შესახებ ბრენდის დამფუძნებელს თაკო ყიფიანი გვიამბობს.
უპირველესად გაგვაცანით ბრენდი. რამდენი ხანია, რაც ბაზარზე გამოჩნდა და საიდან გაჩნდა იდეა?
Fiore di Tako არის ქართული, ხელნაკეთი სამკაულების ბრენდი.
ბავშვობაში ჩემთვის, გართობის მიზნით ხშირად ვამზადებდი სამკაულებს. დიდ სიამოვნებას მანიჭებდა ეს პროცესი მაშინაც და ახლაც. 2021 წელს, 25 წლის ასაკში საშუალება მომეცა ბავშვობის ოცნება რეალობად მექცია და გავაკეთე ხელნაკეთი სამკაულების ონლაინ მაღაზია – Fiore di Tako. პირველ რიგში, სიამოვნებას ვიღებ სამკაულების დამზადებით, მომხმარებლებთან კომუნიაციითა და მათი გახარებით.
რას სთავაზობთ მომხმარებელს?
მომხმარებელს ვთავაზობ ბუნებრივი ქვებით დამზადებულ სამკაულებს, მათ შორის: ყელსაბამებს, სამაჯურებს და საყურეებს.
რა მასალაზე მუშაობთ?
სამკაულებს ვამზადებ ბუნებრივი ქვებით. ძირითადად გამოყენებულია ფირუზი, აგატი, ვარდისფერი კვარცი, მარჯანი და ა.შ.
სად შეგვიძლია თქვენი პროდუქციის შეძენა?
მაქვს ონლაინ მაღაზია Facebook-სა და instagram-ზე. ნივთის მიწოდება ხდება საკურიერო მომსახურებით.
როგორ ხდება შეკვეთა და შემდგომ მომხმარებლამდე მიწოდება?
შეკვეთა ხდება ონლაინ, სოციალური ქსელის მეშვეობით. ვაგზავნი მთელი საქართველოს მასშტაბით. შეკვეთიდან მეორე დღეს ხდება მიწოდება.
როგორია თქვენი სამომავლო გეგმები?
სამომავლოდ ვფიქრობ მაღაზიის გახსნას. მიუხედავად იმისა, რომ ვცდილობ რეალური ფოტოები გამოვაქვეყნო სოციალურ ქსელში, ბევრი მომხმარებელი ითხოვს სამკაულების ფიზიკურად ნახვას. ამიტომ ვფიქრობ, რომ კარგი აზრია მომავალში ამ მხრივ განვითარება.
FB: Fiore di Tako
რეკლამა
Insta: fiore_di_tako
Mail: [email protected]
