შეუძლებელია ესტუმრო აჭარას და არ მოგინდეს „ბაქლავის სახლის“ ბაქლავის დაგემოვნება, რადგან, ზუსტად იცი, რომ წინ ნამდვილი, ტრადიციული გემოების შეგრძნების სიამოვნება გელოდება. ბავშვობიდან დედასთან მონაწილეობდა ბაქლავის გამოცხობის პროცესში. შემდეგ მიხვდა, რომ ეს ყველაფერი შეიძლებოდა მეტად მასშტაბური გაეხადა. ასეც მოიქცა და უკვე წლებია „ბაქლავის სახლი“ ოჯახის წარმატებული ბიზნესია, რომელიც წლიდან წლამდე იზრდება და ფართოვდება. „OK! ბათუმთან“ „ბაქლავის სახლის“ განვითარების ეტაპებსა და სამომავლო გეგმებზე მანანა ბოლქვაძემ ისაუბრა.
მოგვიყევით ამბავი, როგორ შეასხით ფრთები იდეას, გქონოდათ „ბაქლავის სახლი“?
იდეა ჩემი ბავშვობიდან იღებს სათავეს. კარგად მახსოვს ბაქლავის მომზადება დედაჩემთან ერთად – ეს რთული, თუმცა ჩემთვის ყოველთვის სიხარულისა და კმაყოფილების მომტანი განცდა.
ბავშვობის ამ მოგონებებით შთაგონებულმა გადავწყვიტე, ფართო საზოგადოებისთვის ეს ტრადიცია გამეზიარებინა. დადებითმა რეაქციებმაც არ დააყოვნა, ხალხს მოეწონა ჩვენი გამომცხვარი ბაქლავის ხარისხი და გემო, რამაც წამახალისა, გადამედგა შემდეგი ნაბიჯი და გამეხსნა საკუთარი მაღაზია, „ბაქლავის სახლი“.
წლებია, ადამიანები ნდობას გიცხადებენ. მათთვის ბათუმში, აჭარაში სტუმრობა ბაქლავის აუცილებლად მირთმევასთან ასოცირდება. რას ნიშნავს თქვენთვის კმაყოფილი მომხმარებელი?
„ბაქლავის სახლის“ წარმატება რამდენიმე ფაქტორს შეიძლება მივაწეროთ. უპირველეს ყოვლისა, ჩვენ ხარისხისა და ავთენტურობის მიმართ ერთგულება გამოგვარჩევს. ვიყენებთ თაობებიდან გადმოცემულ ტრადიციულ რეცეპტებს, რაც იმას ნიშნავს, რომ ბაქლავის თითოეული ნაჭერი წინასავით სასიამოვნოა. აღნიშნულმა მიდგომებმა, საქმეში მთელი გულისა და სულის ჩადებამ, წლების განმავლობაში მომხმარებლების ნდობა და სიყვარული მოგვაპოვებინა.
შეფასება, რომელიც არასდროს დაგავიწყდებათ…
კმაყოფილი მომხმარებელი ჩვენი ყველაზე დიდი ჯილდოა. ერთ-ერთი განსაკუთრებით დასამახსოვრებელი შეფასება იყო, როდესაც დიდი ხნის მომხმარებელმა გვიამბო, თუ როგორ გახდა ჩვენი „ბაქლავის სახლის“ მონახულება მათი ბათუმში მოგზაურობის საყვარელი ნაწილი.
როგორ ფიქრობთ, ბაქლავის გარდა კიდევ რომელი კერძი თუ ტკბილეული გამოხატავს აჭარულ ხასიათს ყველაზე მეტად?
ბაქლავის შემდეგ კიდევ ერთი ტკბილეული, რომელიც ზუსტად ასახავს აჭარულ ხასიათს, არის „აჭარული ბურმე“.
როგორია თქვენი გეგმები, რა სიახლეებს უნდა ველოდოთ სამომავლოდ?
წინ არაერთი საინტერესო გეგმა გვაქვს. მიზნად ვისახავთ გავაფართოოთ ჩვენი შეთავაზება, შესაძლოა სულ მალე ახალი დესერტები დავამატოთ, რომლებიც აჭარულ მემკვიდრეობას ასახავს. ყველაფერს ვაკეთებთ იმისთვის, რომ ჩვენთან მოსულმა თითოეულმა ადამიანმა ნამდვილი აჭარული ბაქლავის დაგემოვნებით თავი სასიამოვნოდ იგრძნოს. მიიღოს შთაბეჭდილება, რომელიც მას ისევ დააბრუნებს ჩვენთან.
თვალყური ადევნეთ „ბაქლავის სახლის“ განახლებებს, რადგან ჩვენ ვაგრძელებთ ზრდას, ინოვაციური სიახლეების შემოტანას, ამავდროულად, ვრჩებით ტრადიციების ერთგული.
