დეპრესია ფსიქიკური აშლილობის ერთ-ერთი ყველაზე გავრცელებული ფორმაა, რომელიც შეიძლება მსუბუქი და ხანმოკლე ან მძიმე და ხანგრძლივი იყოს. ზოგიერთ ადამიანს დეპრესია მხოლოდ ერთხელ ემართება, ზოგმა კი შეიძლება რამდენჯერმე განიცადოს.
დეპრესიაზე ბევრს კამათობენ. ზოგს მიაჩნია, რომ ის საერთოდ არ არსებობს და ადამიანებმა საკუთარი სიზარმაცის გასამართლებლად გამოიგონეს, სხვები კი, პირიქით, დეპრესიას ნებდებიან. გაგაცნობთ ხუთ ფაქტს დეპრესიის შესახებ, რომელმაც შესაძლოა, როგორც პირველი, ისე მეორე ბანაკის წარმომადგენელთა შეხედულებები შეცვალოს.
- დეპრესია წამოწოლით იწყება
სიტყვა „დეპრესიის“ გაგებაზე თვალწინ საწოლზე მწოლი და უმოქმედო ადამიანი წარმოგვიდგება, მაგრამ საინტერესოა, ამ მდგომარეობამდე როგორ მიდიან? ადამიანები, რომლებიც დეპრესიით იტანჯებიან, ხშირად ამბობენ, რომ ძალა არ ჰყოფნით და ფეხზე ადგომა არ უნდათ. როგორც ირკვევა, მუდმივად წოლის სურვილს დეპრესია კი არ იწვევს, პირიქით, მუდმივად წოლის სურვილი იწვევს დეპრესიას. როცა ვამბობთ, რომ ცოტას დავისვენებთ, მერე კიდევ ცოტას, კიდევ ცოტას და ა.შ. ჩვენს ორგანიზმს დეპრესიისკენ ვუბიძგებთ. ევოლუციურად ჩვენი ორგანიზმი ისეა მოწყობილი, რომ მხოლოდ ძილის ან გამრავლებისთვის უნდა ვწვებოდეთ. როდესაც უმიზეზოდ ვწვებით ცენტრალური ნერვული სისტემა ზიანდება. ნებისყოფის როლი დეპრესიის მკურნალობაში 90 პროცენტსაც კი აღწევს. კლინიკური დეპრესიის მკურნალობაც კი მხოლოდ ნებისყოფით, მედიკამენტების გარეშეა შესაძლებელი. უბრალოდ ექიმებს პრეპარატების დანიშვნა უფრო მარტივად ეჩვენებათ, მაგრამ ეს უკვე სხვა სტატიის თემაა.
- ხშირად, დეპრესიის მქონე ადამიანებს გარეგნულად არაფერი ეტყობათ
აუცილებელი არ არის, რომ დეპრესიის მქონე ადამიანი დაჩაგრული, ნაწყენი ან უიმედო ჩანდეს და გამუდმებით ოხრავდეს. თუ ადამიანს ძლიერი ნებისყოფა აქვს, ის შესანიშნავად ახერხებს, რომ თავი „ჩვეულებრივ ადამიანად“ მოგვაჩვენოს. დეპრესიის ნამდვილი არსი არაფრის კეთების სურვილია, მაგრამ დეპრესიული მდგომარეობის ფონზე შეიძლება ადამიანი მაინც დადიოდეს სამსახურში და კოლეგებს უღიმოდეს, განსაკუთრებით, თუ მაღალი ინტელექტი აქვს.
- დეპრესია ნებისმიერ ადამიანს ემუქრება
ფრაზა „ძლიერი ნერვები მაქვს“ აქ არ მუშაობს. დეპრესიული მდგომარეობისგან დაზღვეული არავინაა. დეპრესია სულაც არ ნიშნავს მხოლოდ ლოგინზე წოლას და არაფრის კეთებას. შეიძლება თავადაც ვერ აცნობიერებდეთ, რომ დეპრესია გიახლოვდებათ. მოდით, გადავხედოთ დეპრესიის ძირითად სიმპტომებს:
- საქმიანობა, რომელიც ძალიან მოგწონდათ, სიხარულს აღარ განიჭებთ.
• მუდმივად დაღლილობას გრძნობთ და ენერგიის სიმცირეს უჩივით.
• მადა და სხეულის წონა იცვლება.
• ძილის დარღვევები (უძილობა ან ზედმეტი ძილიანობა)გაწუხებთ.
• ყურადღების კონცენტრაციისა და გადაწყვეტილებების მიღების სირთულეები გაქვთ.
• უსარგებლობის, უიმედობის ან უმწეობის განცდა გაქვთ.
ასე, რომ დეპრესიისგან დაზღვეული არავინაა, მაგრამ ყველაზე მთავარია, რომ სიცოცხლის სიყვარული ნებისმიერ ფასად დაიბრუნოთ.
- დეპრესიულ მდგომარეობაში მყოფი ადამიანი მარტო არ უნდა დატოვოთ
თუ თქვენს ახლობელს დეპრესია აქვს, ეცადეთ მოთმინება და გაგება გამოიჩინოთ. ყურადღებით მოუსმინეთ და თუ თავად არ გთხოვთ რჩევების მიცემისგან თავი შეიკავეთ. დაეხმარეთ ყოველდღიური საქმეების ორგანიზებაში, ფიზიკური აქტივობა წაახალისეთ და ექიმთან მისვლის იდეას მხარი დაუჭირეთ.
- ფსიქოსომატიკა დეპრესიის ფონზე
ცუდი მენტალური მდგომარეობა ფიზიკურ დისკომფორტს იწვევს. ყველაზე მარტივით დავიწყოთ – თუ სუფთა ჰაერზე იშვიათად გადიხართ, თქვენი ტვინი ნაკლებ ჟანგბადს იღებს. დეპრესიულ მდგომარეობაში ჯერ მადა ქრება, შემდეგ კი კუჭ-ნაწლავი და ლიბიდო ზიანდება. შემდგომი სამიზნე შეიძლება თმა და ფრჩხილები გახდეს. ამ პროცესის თვითდინებაზე მიშვება არ შეიძლება და სპეციალისტს დროულად უნდა მიაკითხოთ.
ასევე დაგაინტერესებთ
#OK! “სოციალური მედია ყალბია” – ბელა ჰადიდმა დეპრესიასა და მენტალურ ჯანმრთელობაზე საჯაროდ ისაუბრა
