40 წლის კეტი პერი და 53 წლის ჯასტინ ტრუდო იახტაზე ჩახუტებულები გადაიღეს. მომღერალსა და კანადის ყოფილ პრემიერ-მინისტრს შორის რომანის შესახებ ჭორები სიმართლე აღმოჩნდა.
თვითმხილველების ფოტოები Daily Mail-მა გამოაქვეყნა. ფოტოზე ჩანს, როგორ კოცნის და ეხუტება ჯასტინ ტრუდო კეტი პერის. ყოფილ პრემიერს მხოლოდ ჯინსის შარვალი აცვია, მომღერალი კი შავ საცურაო კოსტუმშია გამოწყობილი. ფოტოები სექტემბრის ბოლოს, სანტა ბარბარას სანაპიროსთან, გამვლელ ნავზე მყოფმა ტურისტმა გადაიღო.
„როდესაც მათი იახტა ვეშაპებზე დაკვირვების ნავს მიუახლოვდა, კოცნა დაიწყეს. თავიდან ვერ მივხვდი, მამაკაცი ვინ იყო, მაგრამ შემდეგ მის ხელზე ტატუ დავინახე და გავაცნობიერე, რომ ჯასტინ ტრუდო იყო“, – თქვა თვითმხილველმა.
შეგახსენებთ, რომ ამერიკელი მომღერალი და მსახიობი კეტი პერი გასულ ზაფხულს, ცხრაწლიანი ურთიერთობის შემდეგ, მსახიობ ორლანდო ბლუმს დაშორდა. წყვილს ქალიშვილი, დეიზი ჰყავს.
ჯასტინ ტრუდო მეუღლეს, სოფის 2023 წელს 18 წლიანი ქორწინების შემდეგ დაშორდა. პოლიტიკოსს სოფისთან სამი შვილი ჰყავს.
ივლისის ბოლოს ინტერნეტში გავრცელდა ჭორები პერისა და ტრუდოს შორის შესაძლო რომანის შესახებ: წყვილი პირველად ერთად რესტორანში შენიშნეს, მოგვიანებით კი ჯასტინი კეტის კონცერტს დაესწრო.
ასევე დაგაინტერესებთ
